Ikiorsiisoqareersoq RAL akinik allannguivoq
Royal Arctic Linep Naalakkersuisullu kiffartuussinissamik isumaqatigiissutaat naapertorlugu, Royal Arctic Linep kujammut assartukkanut uuliamut aningaasallu nalinginut tapiliuttagaq naleqqussarpaa.
Naalakkersuisut Inatsisartullu isumaqatigiipput Royal Arctic Linep uuliamut aningaasallu nalinginut tapiliuttakkamut appaassasoq.
Nerisassanik Kalaallit Nunaannut umiarsuatigut nassiunneqartartut akikinnerulernissaat anguniarlugu akinik appaasoqarpoq.
Naalakkersuisunik isumaqatigiissut naapertorlugu RAL akinik tamanut saqqummiussivoq. Ukiup naanissaanut isumaqatigiissut atuutissaaq.
Royal Arctic Linep uuliamut aningaasallu nalinginut tapiliuttakkamut akigititai novembarip aallaqqaataanit atuutsinneqartut ima isikkoqarput:
- Usit avannamut assartukkat aalajangersimasumik kissassuseqartitat 0%
- Usit avannamut assartukkat sinneri 14%
- Usit kujammukartut sinerissamilu assartukkat 20,20%
Aggustimi atuuttoq 30,73 procent ataallugu isumaqatigiittoqarpoq. Nunani tamalaani akinik qaffattoqarpoq ukioq manna, isumaqatigiittoqarneratigullu Kalaallit Nunaanni akinik qaffattoqarnissaa pinaveersaartinneqarpoq. Isumaqatigiittoqarneratigut nioqqutissat akiisa appasinnerpaaffimmiitinnissaat KNI-mit oqariartuutigineqarpoq.
Akigititat 1 aamma 2 2022-mi piffissami oktobarip aallaqqaataanit decembarip 31-anut nikisinneqassanngitsut RAL allappoq.
- Akigititap 3-p nalilersuiffigineqartarnera ingerlaannassaaq orsussallu akiisa aningaasallu nalingisa allanngorarnerat tunngavigalugu qaammammoortumik naleqqussarneqartassalluni, ilisimatitsissutigineqarpoq.