KL

DK

Ilaqutariit Christensenikkut umiarsuaatileqatigiiffii millionilikkaanik aningaasarsiffiupput

Umiarsuaatileqatigiiffiit namminersortunit pigineqartut Sikuaq Trawl aamma Niisa Trawl isertitaqarluarput. Ilaqutariit piginnittut millionilikkaanik imminnut agguagarsitipput.

Kilisaat Svend C, Sikuaq Trawl A/S-imit pigineqartoq raajarniarnermik, nunatta imartaata nunallu tamalaat imartaasa avataani ikerinnarmi aalisarnermik aallussaqarpoq. Kilisaat massakkut Savalimmiut avannaani Smuthavenimi avaleraasartoorniarpoq.
Freelance Tusagassiortoq
Saqqummersinneqarpoq

Kalaallit Nunaanni umiarsuaatileqatigiiffiit annersaasa ilaat, Sikuaq Trawl A/S, ingerlalluarpoq. Ilaqutariit Christensen umiarsuaatileqatigiiffimmi, aasit sinneqartooruteqarluartumi, piginnittuupput.

PISARTAGAQARTUNUT

Allaaserisaq una Nutaarsiassaqartitsivimmi aviisit naqitat ilaanni allaaserisaavoq.

Allaaserisat pisartagaqartunit taamaallaat atuarneqarsinnaapput.

Atuarluarna.

Kalaallit Nunaanni umiarsuaatileqatigiiffiit annersaasa ilaat, Sikuaq Trawl A/S, ingerlalluarpoq. Ilaqutariit Christensen umiarsuaatileqatigiiffimmi, aasit sinneqartooruteqarluartumi, piginnittuupput.

Sikuaq Trawl, Nuummi pigineqartoq, akileraareernermi 40 millioningajannik 2023-mi sinneqartoorpoq. Ilaqutariit piginnittut angusat tunngavigalugit agguagarsianik 40 millioningajannik imminnut tunipput.

Ukiup siuliani sinneqartoorutit aatsaat taamak annertutigigamik 64 millionit koruuniupput. Piginnittut 64 millionit koruuningajannik agguagarsipput.

Pisortaaneq Carl Christensen ingerlatseqatigiiffimmi pingaarnertut piginnittuuvoq.

Qatanngutini Klaus Christensen, Svend Christensen junio aamma Betty Holmgaard-Christensenilu umiarsuaatileqatigiimmi pi­ginneqatigai.

Sikuaq Trawlip siorna kaaviiaartitai 275 millionit koruuningajaapput. Kaaviiaartitalli ukiup siulianut sanilliullugit annikinnerungaatsiarput, ukiummi siuliani kaaviiaartitat 339 millionit koruuningajaapput.

Siorna sinneqartoorutit 40 millionit ko­ruuningaajaasut aqutsisut naammaginartutut nalileraat 2023-mi ukiumoortumik naatsorsuutini aqutsisut nalunaarutaanni allassimavoq.

Ingerlatseqatigiiffimmi ukiut siulii assigalugit pingaarnertut aallutat tassaapput raajarniarneq, nunatta imartaani nunallu tamalaat imartaani avataani ikerinnarmi aalisarneq. Sikuap nammineq pisassiissutimi saniatigut ingerlatseqatigiiffiit allat pisassiissutaat aalisarpai.

Niisa Trawl

Ingerlatseqatigiiffik Niisa Trawl ApS, Nuummittaaq pigiineqartoq, pillugu Sermitsiap maajimi allaaserisaa naapertorlugu akileraareernermi sinneqartoorutit ukiup siuliani 41 millionit koruuniusimasut siorna 51 mil­lionit koruuniupput.

Piginnittut tallimaasut tassaapput pi­ngaarnertut piginnittuusoq Svend Christensen qitornaalu sisamat, Carl Christensen, Klaus Christensen, Svend Christensen junior aamma Betty Holmgaard-Christensen.

Piginnittut sinneqartoorutinik 41 millionit koruuninik 2022-mi agguagarsisimasut 2023-mi 51 millionit koruuninik agguagarsipput.

Umiarsuaatileqatigiiffinni marluusuni piginnittunut agguagarsiat 2023-mi katillugit 91 millionit koruuniusut 2022-mi 105 millionit koruuniupput. Ilaqutariit piginnittut agguagarsiaat ukiuni naatsorsuiffiusuni kingullerni marlunni katillugit 200 millionit koruuningajaapput.

Pisortaq: – Inuttat pikkorissut umiarsuarlu pitsaasoq

Niisa Trawl 2022-mi 232 millionit koruuninik kaaviiaartitaqarsimasoq 2023-mi 273 millionit koruuningajannik kaaviiaartitaqarpoq. Sinerissap qanittuani raajarniarneq qaleralinniarnerlu pingaarnertut aallunneqarput.

Umiarsuaatileqatigiiffiit nammineq tuniniaaveqarput, Iceberg Seafood Hirtshalsimiittoq, ilaqutariinnit Christensenikkunnit pigineqartoq.

Pisortaq Carl Christensen Sikuap Niisallu angusai, tassa sinneqartooruteqarluarneri, sumik peqquteqarnersut aperigatsigu umiarsuaatileqatigiiffiup angusai pillugit ima naatsumik oqaaseqarpoq:

– Pikkorissunik inuttaqaraanni, pitsammik umiarsuaqaraanni, pisassinneqarsimagaanni tunisassiarlu akigissaartillugu tunigaanni taama angusaqartoqartarpoq, Sermitsiamut oqarpoq.

Ingerlatseqatigiiffilli pisassiissuteqarnerusimasuuppat Sikuaq Trawlip angusai pitsaanerusimassagaluarput, Carl Christensen ilassuteqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

sikuaq trawl a/s inuussutissarsiutit fiskeri & fangst erhverv

ATORFIIT Se alle jobs

Powered by Labrador CMS