Ilisimasalik: Aatsitassarsiornermik suliniutinik innuttaasunut iluaqutaasimasunik ilisimasaqanngilanga
Afrika Kalaallit Nunaat assigalugu nunarsuarmiaatsitassanik pisariaqartinneqartunik,mingutsitsinnginnerusumut allannguinissamutaalajangiisuusunik peqarnersaat ilaanniippoq. Kisianninunanit allanit ingerlatseqatigiiffinnit tatisineq annertuvoq,peqatigisaanillu sumiiffinni amerlasuuni naalakkersuisutpeqquserlunnikkut iluanaarniartuupput. Tamannainnuttaasunut avatangiisinullu kingunipiloqartitsisarpoq,ilisimasalik oqarpoq.
Danmarkimi nunanut allanut tunngasunut misissuisoqarfik (DIIS) Afrikap aatsitassarsiorfiunera misissuiffigaa, 1800- kkut qiteqqunnerannit nunat pissaanilissuit diamantit, kuultit aamma uulia pillugit sorsunnerannit ullutsinni illuani naalagaaffiit peqquserluttut aamma nunanit allanit suliffeqarfiit aamma illuani nunaqavissut mingutsitsinnginnerusumut allannguinissap aqqani pisuussutit nalituut pillugit saqitsaannernut misissuisimapput.
Taamak allaaserinnippoq aviisi Sermitsiaq.
Atornerluineq aamma saqitsaannerit
Afrika nunarsuarmi krominik, platininik, koboltinik, manganinik, mingutsitsinnginnerusumut allannguinissamut aalajangiisuusunik peqarnersaasut ilagaat.
Taamaattumik nunanit allanit suliffeqarfiit ukiuni kingullerni nunaatinut millioninik hektarinik atuisinnaanermut qulakkeerinninnikkuupput, kisianni nunanit allanit ingerlatseqatigiiffiit aamma nunat Afrikami pinngortitami isumalluutinik atuiniarsarineranni, innuttaasut nunaqavissut piitsuupput aammalu sumiiffinni amerlasuuni allaat nunaqavissut najukkaminnit peersinneqartarput najugaqarfiilu aserorneqartarlutik.
Nalunaarusiamik saqqummeqqammersumik: »Green exploitation is still exploitation«-imik (Mingutsitsinngitsumik atuineq suli atornerluineruvoq) allaaserinnittut ilaat Ilisimatusartuuneq, Peter Albrecht, taama oqaluttuarpoq.
Allaaserisaq tamaat aviisimi Sermitsiami atuaruk.
