Ingerlatsisoq: Kiisamii sulinngiffeqalaarpunga
Dorthe Rosingip SIK-p siulittaasua isumaqatiginngilluinnarpaa. Asiamiunik pitsaasunik misilittagaqarpoq, nunaqavissut atugaasa asseqqissaanik atugassaqarlutik. Piffissamik suliffigisaanik naammaginarnerulersitseqataapput.
Dorthe Rosing sapaatit akunneranut minnerpaamik akunnerni 60-ini sulisarsimavoq. Tassalu minnerpaamik akunnerniik 20-nik sivisunerusumik sapaatit akunneranut akunnerni 40-ni sulisussaagaluarluni. Maanna taamaakkunnaarsimavoq. Nuummi Grill og pizzabarimi ulluinnarni pisortaq grillbarimi ingerlatsiviit Kamiit ilaani filippinerinik atorfinitsitsinngikkallarmat taamaappoq. Akunnerpassuarni suliariaqarnermigut sunngiffeqaqqalaarsimavoq.
- Ilaqutariinni pisorpassuarni akuuneq ajorpunga, sulisut suliartunngitsoortarmata, taamaalilluni suliffissaralui uanga ingerlallugit, Dorthe Rosing AG-mut oqarpoq.
Aatsaat tallimat qaangerlugu tanneq pingasunut uffartarpoq. Taamaaligaangat naluneq ajorpaa unnukkut sulisussat tamarmik takkussimanersut, ullormilu siatsissutersunnikkunnaarniarluni uffartarluni. Nunanilli allanit sulisoqalermat tamanna allanngorpoq.
Taamaattumik Facebookimi takisuuliorluni appisaluussivoq SIK-p siulittaasuata Jess G. Berthelsenip maajip aallaqqaataani oqalugiaataa atuareerlugu, allammat najukkami pølseerniarfimmi allamiumit kiffartuunneqartussaanngikkaluartoq.
Kissatsissimaqaanga, Dorthe Rosing allappoq, tupaallaatiginngisaminik “sulisitsisupalaanik” oqalunneranik eqqortilluni.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: