Inissianik niuernermut ilimasaarut: Pitsaassaaq, kisianni ajorseriarsinnaavoq
Inissiat akii qaffakkiartuinnarsimagaluartut, immaqa suli qaffariaqqissinnaassapput. Tassani Ukrainemi pisut erniallu qaffakkiartornerat pissutaaqataapput.
Siullermik atuartunut illoqarfiit pingaarnersaanni najugaqanngitsunut, immaqalu inissianik niuerfik sukkaannaq ingerlaffiusumik tusagaqarsimanngitsunut saniatigut paasissutissiissuteqassaanga: Maannakkorpiaq illuinnarmik 7 millionit koruuninik akilimmik tuniniaasoqarpoq, tamannalu qaammammut ilanngaatinut aningaasartuuteqannginnermi 25.000 koruuninik akeqartarnissaanik isumaqarpoq.
Aviisi AG allappoq.
Nuummi illuinnaat inissiallu arlallit 3 aamma 5,5 millionit akornanni akilerlugit tuniniarneqarput, taakkunani ilaatigut illu marlunnut avitaq 5 millioninik akilik. Akit ilaannut qaffasippallaarsorineqarsinnaasut, kisianni apeqqutaavoq qaffasinnerpaaffissaa takoreerparput?
Akissut sunniutinit akerleriinnit arlalinnit aalajangerneqassaaq: Pisiassaqassutsip piumaneqassusaasalu, kisianni aamma erniat ineriartornerannit, nunanilu tamalaani ajornartoornerit sunniutaat aamma inuiaqatigiinni ineriartornermit. Grønlandsbankenip ukiumoortumik naatsorsuutaani nutaami maanna siunissamilu illuutilinnut pissutsit misissuiffigineqarput:
- Naak inissianik pisinernut kisitsisit aningaasaqarnikkut ajornartoornermiilli Nuummi inissiat akii aatsaat taama qaffasitsiginerisa takutikkaluaraat, Danmarkimi Savalimmiunilu akit suli qaffariarnerusimapput, aningaaserivik misissuinermini taama allappoq.
Allaaserisaq tamaat uani AG-mi pisiarisinnaasanni atuaruk: