Innaallagissamik qamittoorneq: Taamaattumik ajutoortoqarpoq
Utoqqarmiut Kangerluarsunnguaannut attaveqarneq unnuap ingerlanerani qamittarlunilu ikittarpoq. Taamaattumik innaallagissiuut sillimmat aatsaat marlunngornermi ullaakkut aallartinneqaarpoq.
Nuummi innaallagissamik qamittoortoqaraangat innaallagiaqaleqqinnissaanut nalinginnaasumik akunnerit marlussuit ingerlasarput. Amerlanerit isumaqarput Sarfaannguani innaallagissiuut sillimmataasoq pissutaasoq, taamaanngilarli. Tamanna nalinginnaasumik Utoqqarmiut Kangerluarsunnguannut attaveqarnerup pilerseqqinneqarneranik pissuteqartarpoq.
Nukissiorfiit pisortaat, Kaspar Mondrup, Sermitsiamut taama oqaluttuarpoq.
Innaallagissiuutip sillimmatip aallartinnissaanut sooq piffissaq taama sivisutigisimava?
– Nalinginnaasumik Nuummi innaallagissamik qamittoortoqaraangat innaallagissiuut sillimmat atortanngilarput. Amerlanertigut innaallagiaaruttoorneq sivikitsuinnaasarpoq – tamannalu qaangiukkaangat Utoqqarmiut Kangerluarsunnguannut attaveqarneq pilersikkiartuaalersarparput. Tamanna nalinginnaasumik akunnernik marlussunnik pingasunilluunniit sivisussuseqartarpoq.
Misiliigaluarnerit iluatsinngitsut
- Kisianni ataasinngornerup marlunngornerullu akornanni unnuakkut pissutsit nalinginnaanngillat. Attaveqarneq pilerseqqinneqartarlunilu unittooqqittarpoq – unnuap ingerlanerani Utoqqamiut Kangerluarsunnguannut attaveqarnermik pilersitsiniarluta pingasoriarluta misiliigaluarpugut, ilaatigut Kaspar Mondrup taama Sermitsiamut oqarpoq.
Allaaserisaq tamaat uani Sermitsiami pisiarisinnaasanni atuaruk: