Inuussutissalerinermut
Aqutsisoqarfimmit Polar Seafoodip Esbjergimi suliffeqarfiutaa Polar
Salmon Hjerting Laks naammagittarfiujunnaarpoq.
Suliffeqarfiup
kapisilinnik mamarsaasikkanik pujuukkanillu aamma qaleralinnillu
pujuukkanik tunisassiortuusoq bakteria listeria toqussutaasinnaasoq
tunisassiornermini sivisuumik ajornartorsiutigisimavaa.
Inuussutissalerinermut
Aqutsisoqarfimmit Polar Seafoodip Esbjergimi suliffeqarfiutaa Polar
Salmon Hjerting Laks naammagittarfiujunnaarpoq.
Suliffeqarfiup
kapisilinnik mamarsaasikkanik pujuukkanillu aamma qaleralinnillu
pujuukkanik tunisassiortuusoq bakteria listeria toqussutaasinnaasoq
tunisassiornermini sivisuumik ajornartorsiutigisimavaa.
Taamaattumik
Inuussutissalerinermut Aqutsisoqarfiup aalisakkanik tunisassiorneq
tuniniaanerlu inerteqqutigilerpaa.
"Tallimanngornermi
juulip sisamaaniit atuutilersumik sapaatit-akunnerini
arfineq-pingasuni suliffissuarmi nioqqutissanik tunisassiorneq
unitsinneqassaaq. Sakkortusisamik nakkutilliinermut atatillugu
suliffeqarfik arlaannaanulluunniit attuumassuteqanngitsoq
tunisassiarineqartunik suliffeqarfimmillu tunisassiorfiusumi
misissugassanik tigooraalluni sukumiisumik nalilersuissaaq."
Retail News allappoq.
Inuussutissalerinermut
Aqutsisoqarfik Polar Salmon Hjerting Laks ajornartorsiutinik
aaqqiisimanngitsoq isumaqarpoq. Suliffeqarfik Inuussutissalerinermut
Aqutsisoqarfimmut sukumiisumik paasissutissiisimannginnerarlugu
siusinnerusukkut politiinut aamma unnerluutigineqarnikuuvoq.
Unammilligassat
annertuut
Polar
Salmon Hjerting Laksimi tunisassiarineqartut listeriaqarnerat
suliffeqarfimmut sivitsortumik unammilligassaavoq. Bakteeria
toqussutaasinnaasoq inunnik ikinnerpaamik 27-nit
toqussutigineqarsimasoq Statens Seruminstitutimiit sukumiisumik
misissuinerami pasitsaanneqarpoq.
Polar
Seafood Denmark, Polar Seafood Greenlandip affarmik
piginneqataaffigisaata, Polar Salmon Hjerting Laksimik pingaarnertut
aningaasaliisuullunilu aqutsisuuvoq.
Pisoq
Sermitsiamit arlaleriarluni allaaserineqarnikuuvoq. Polar Seafoods
Denmarkimi pisortaanerup Henrik Lethip marsimi pisimasoq
nassuerutigalugu ajuusaarutigaa.
Tunisassiat
listeriaqartarnerat pissutigalugu pisiniarfiutileqatigiiffiit marluk,
Coop aamma Rema 1000, Polar Salmon Hjerting Laksimik
suleqateqarunnaarput. Danmarkimili ulluinnarni atortussanik
pisiniarfiit annersaata Salling Groupip, suliffeqarfiup
Esbjergimiittup tunisassiaanik nioqquteqarnissamik isumaqatigiissut,
suli attappaa.
Salling
Groupimili tunisassiorsinnaanermik unitsitsineq pimoorullugu
isigineqarpoq.
-
Ajornartorsiutit taamaattut ilungersunartutut tamatigut
isigisarpavut, aallaqqaataaniili tunisassiavut immikkut
misissortarlugit. Nalunngilarput tunisassiortup ajornartorsiutit
aaqqinniarlugit ilungersorluni sulissutigigaa, ilaatigut nunami
immikkut ilisimasallit pikkorinnerpaat Force Technologymeersut
Teknologisk Institutimeersullu siunnersuisoralugit, Salling Retail
Newsimut allakkatigut akissuteqarluni oqarpoq.
