Inuussutissarsiornermut ikiorsiissutit kingumoortut piareerput
Suliffeqarfiit inuit 20-t sinnerlugit katerissinnaannginnerannut atatillugu eqqugaasimasut maanna aningaasatigut ikiorserneqarsinnaalerput. Ikiuut ’20-mi ikiuutit’-nik taaguuteqarpoq, taannalu tapiissutinik, ajornartoornemi taarsigassanik kiisalu aaqqissuussinerminik taamaatitsinermut atatillugu taartisisarnermik imaqarpoq.
Naalakkersuisut ikiuut ’20-mi ikiuutit’ naammassivaat. Suliffeqarfiit novembarimi decembarimilu katerissinnaanermut killilersuinermi eqqugaasut ikiorsiissummi oqilisaaffigineqarsinnaapput.
Nuummi suliffeqarfiit katerissinnaanermi killilersuinermi eqqugaasimasut qinnuteqarsinnaatitaapput piffissap uuma iluani 13. Novembarimiit 21. Novembari nal. 8:00 ilanngullugu killilersuinerit aningaasatigut kingunerlutitsisimappata.
Upernavimmi Uperviullu eqqaani nunaqarfiit aamma qinnuteqarsinnaapput. Katerissinnaanermi killilersuinermi eqqugaasimasut qinnuteqarsinnaatitaapput piffissap uuma iluani ulloq 25. novembarimiit decembarip 8-ani 2021 nal. 18:00 ilanngullugu.
Sumiiffiillu ukua pineqarput: Upernavik, Tasiusaq, Upernavik Kujalleq, Nutaarmiut, Nuussuaq, Innaarsuit, Naajaat, Aappilattoq, Kangersuatsiaq aamma Kullorsuaq.
Qasigiannguani ikiorsiissutit aamma qinnuteqarfigineqarsinnaapput. Katerissinnaanermut killilersuisunerit suliffeqarfinnut piffissami 11. decembarimiit decembarip 20-at 2021 tikillugu suliffeqarfinnut kalluisimappat.
Katerissinnaanermut killilersuinerit piffissami ingerlalluarfiusumi eqqunneqarput
Naalakkersuisut ikiorsiissutinik immikkut suliaqarnerat tunngaveqarpoq piffissami ammariartuaarnissamut inuiaqatigiit piareersaleruttorneranni, tassa amerlasuut akiuussusersorneqarsimanerani killilersuerataarnerani,
- Inuit 20-t katersuuteqqusaannginnerannik killilersuineq novembarimi 2021-mi atuutilersinneqarpoq, taamaammallu tamassuma kingorna sapaatit akunnerini tassanngaannaq pisoqarpoq, tassani piffissami inuiaqatigiit ammaqqinnissaat inuunerullu nalinginnaasunngoqqinnissaa sammineqarluni.
- Killilersuinerit suliffeqarfinnut katersuussinnaasunik killilersuinermik eqqorneqartunut piffissami ingerlatsilluarfigisartagaanni ulapaarfigisartagaannilu atuutilersinneqarput. Taamaattumillu suliffeqarfiit killilersuinermik sakkortuumik eqqorneqarput. Naalakkersuisut nittartakkaminni taama allapput.
Najoqqutassiat atuuttut uani takuneqarssinnaapput.