Inuussutissarsiornermut politikki anguniagalik
Kommuneqarfik Sermersooq 2009-miit - 2013-imut inuussutissarsiornerup ineriartorteqqinneqarnissaanut pilersaarusiorpoq.
Kommunalbestyrelsip isumaqatigiittup inuussutissarsiutitigut inerartortitsinissamik 2009-mit 2013-mut ingerlasussamik politikkeqalernissaq iliuusissatullu periuseqalernissaq akuersissutigigaa, Kommuneqarfik Sermersooq nittartakkamini allappoq.
- Kommuneqarfik Sermersuumi aalisarnikkut immikkut politikkiliortoqarnissaa Inuussutissarsiornermut Ataatsimiititamit ilanngullugu innersuussutigineqarpoq. Periutsit piviusunngortinneqarnissaanut aaqqissuussamik iliuusissanik ukiup naanginnerani allaffissornikkut siunnersuusiortoqassasoq, kommunalbestyrelsip tamarmiusup akuersinerata saniatigut piumasarineqarpoq Kommuneqarfik Sermersooq allappoq.
olitikkeqarfigineqalersussat tamarmik siuarsaanermik, nutaaliornermik kiisalu inerisaanermik aallaaveqartussat tassaassapput: Aallarnisaasut piorsaanerlu pillugit periutsit, Takornariaqarneq pillugu periuseq, Inuussutissarsiutinik imminut nammassinnaasunik ineriartortitsineq aamma suliffeqarfiit inuunermut akisussaanerat pillugit periutsit, Najugaqarfiit pillugit periutsit, Illoqarfiit pingaarnersaat pillugu periuseq, Suleqatigiinneq attaveqatigiinnerlu pillugit periutsit