Inuussutissarsiortut: RAL-imi ammassunissaq ujartorpaat
Royal Arctic Linep periusissiaa pitsaasortarpassuaqarpoq. Pisariaqarluinnarporli ammasuunissaq, oqaloqatiginninnissaq atuisartunillu peqataatitsisinnaanissaq, inuussutissarsiortut oqarput.
Royal Arctic Linep matoqqasuunera Demokraatit siulittaasuata Jens-Frederik Nielsenip kisimi maalarutiginngilaa. Aamma nunatsinni inuussutissarsiortut tamanna maalaarutigaat.
Aviisi AG taama allappoq.
Sulisitsisut Peqatigiiffiat, ingerlatsiviit 300-t sinnerujussuarlugit amerlassusillit sinniisuat, ingerlatsivinnit ilaasortaminit amerlasuunit saaffigineqartarpoq, umiarsuaatileqatigiiffimmik suleqateqarnerminni akulerutsitaasannginnermik naammaginninngitsunik.
- RAL-imi inuppassuaqarpoq pikkorissunik nersorneqartartunik, ulluinnarnilu atuisartutik sinnerlugit suliassanik pingaarutilinnik isumaginnittartunik. Sinaakkutassalli iluanni pissusilersussapput, migisineqartarmat annikitsuinnarmik akulerutsisillutillu ammasuusarnerat, Sulisitsisut Peqatigiiffiata pisortaa Christian Keldsen naliliivoq.
RAL-ip periusissiaani pitsaasorpassuaqarpoq pissanganartorpassuaqarlunilu, pisariaqarporli ammasuunissaq, oqaloqatiginnittarnissaq aammalu atuisartunik soqutigisaqaqatigiinnillu peqataatitsisarnissaq. Atuisartut RAL tunulliussinnaanngilaat, tamannarpiarlu pissutigalugu oqaloqatiginnittarnissamik piumasaqaat annertunerujussuusariaqarpoq, Christian Keldsen oqarpoq, isumaqatigaalu allannguinerit suulluunniit ajornakusoortuummata.
Aviisimi AG-mi atuarnerusinnaavutit. Aviisi uani pissarsiariuk: