Utoqqarmiut Kangerluarsunnguanni erngup nukinganik nukissiorfiup allilerneqarnissaanut aningaasartuutit 95 procentii naalagaaffiup qularnaveeqqusersinnaassagai naatsorsuutigineqartoq, Naalakkersuisut qanittukkut nalunaarutigaat.
Tamanna Nunatta Danmarkillu akornanni paaseqatigiinnissamut allakkiap ilassutaanut atatillugu erseqqissarneqarpoq.
Utoqqarmiut Kangerluarsunnguanni erngup nukinganik nukissiorfiup allilerneqarnissaanut aningaasartuutit 95 procentii naalagaaffiup qularnaveeqqusersinnaassagai naatsorsuutigineqartoq, Naalakkersuisut qanittukkut nalunaarutigaat.
Tamanna Nunatta Danmarkillu akornanni paaseqatigiinnissamut allakkiap ilassutaanut atatillugu erseqqissarneqarpoq.
Pilersaarut sanaartornermut milliardikkaanik aningaasartuutaassaaq, naalagaaffiullu qularnaveeqqutaa akikitsumik sanaartortoqarnissaanut ik qulakkeerinninnerussalluni.
Pisortap Aviaaja Karlshøj Knudsenip paaseqatigiinnissamut allakkiami oqaatigaa, isumaqatigiissut Nunatsinni erngup nukinganik nikissiorfiliornissanut aningaasaliinissanut pingaaruteqartoq:
Danmarkimi naalagaaffiup qularnaveeqqusiineratigut, aningaasaliisoqarnissaanut ernumanartut aningaasartuutillu minnerulersinneqassapput. NunaGreen Construction A/S-ip taamaalilluni taarsigassarsinissamut pitsaanerpaamik atugassarititaanissani qulakkeersinnaavaa, tamannalu naggataatigut kalaallit atuisartut iluaqutigissavaat, nassuiaavoq, nangillunilu:
- Naalakkersuisut qularnaveeqqusiinerat iluaqutaasorujussuuvoq, taarsigassarsisitsisummi taarsigassarsisitsisarnerminnut qularnaveeqqusiinerup saniatigut naalagaaffimmit qularnaveeqqusiisoqarnera aamma pingaartittarpaat.
Suliniutit taakku marluk – Utoqqarmiut Kangerluarsunnguanni alliliineq aamma Aasiannut Qasigiannguanullu pilersuisussamik erngup nukinganik nukissiorfiliornissaq – 4,6 milliardit koruunit missaannik akeqartussatut naliliiffigineqarsimapput.
Aviaaja Karlshøj Knudsenip isumaqatigiissut Utoqqarmiut Kangerluarsunnguata allilerneqarnissaanut kisimi tunnganani aammali siunissami suliniutit pineqarnerat naammagisimaarpaa:
- Aningaasaqarnermut ministerip Nicolai Wammenip naalakkersuisullu Erik Jensenip isumaqatigiissutaanni erseqqippoq, Kalaallit Nunaata erngup nukinganik nukissiorfinnik iluaqutaasumik atuinissamut aningaasaqarnikkut periarfissaasa nukittorsarneqarnissaat kissaatigineqartoq. Tamanna nukissiornermi mingutsitsinngitsumik ataavartunik atuileriartornissamut oqariartuutaavoq pingaaruteqartoq, oqarpoq.
