Norgemiut aningaasaliisartut Combymik piginneqataalerneratigut Combyllu piginneqataasui Hawkimik piginneqataalerneratigut, Combyp Hawkillu ingerlatseqatigiiffiutaasa ineriartortinnissaannut soqutigisaqaqatigiittunik suleqateqalernissamut periarfissaq qulakkeerneqarpoq.
- Hawk Infinitymik suleqateqarneq nuannaarutigeqaarput, Combymi pisortap tullia Stefan Boel sullitaminut suleqatiminullu nalunaarummi Sermitsiap takusimasaani oqarpoq.
Norgemiut aningaasaliisartut Combymik piginneqataalerneratigut Combyllu piginneqataasui Hawkimik piginneqataalerneratigut, Combyp Hawkillu ingerlatseqatigiiffiutaasa ineriartortinnissaannut soqutigisaqaqatigiittunik suleqateqalernissamut periarfissaq qulakkeerneqarpoq.
- Hawk Infinitymik suleqateqarneq nuannaarutigeqaarput, Combymi pisortap tullia Stefan Boel sullitaminut suleqatiminullu nalunaarummi Sermitsiap takusimasaani oqarpoq.
Suleqatigiinneq pitsaaqqissaartoq
- Taakkua (Hawk, aaqq.) misilittagaat siunissamullu takorluugaat uagut anguniakkatsinnut naapertuulluinnarput, suleqatigiillutalu angusaqarluarnissarput qilanaaraarput, Stefan Boel oqarpoq.
Hawkip ilisimasaasa tapersersuinerallu Comby pitsaanerusumik aalajangiisinnaanissaanut periusissiamillu atuuttumik ingerlatitseqqiinissaanut iluaqutaassasoq, ilisimatitsissutaavoq.
- Siunissaq ungasinnerusoq eqqarsaatigalugu misilittagartuneri attaveqaateqarluarnerilu iluaqutigalugit Combymi nutaaliornerup ineriartortitsinerullu siuarsarnissaanut qilanaarpugut. Tunngavissaqarluarluta takorluuilluarsinnaallutalu siunissamut nukittunerulerlutalu nutaaliornissamut pisussaaffeqarluta ingerlavugut, atuisunut allakkami juulip 18-ianni 2024-mi ullulerneqarsimasumi allassimavoq.
Akiliutit, aqutsineq, sulisut, sinaakkutit, naleqartitat sulisullu kulturiat nutaamik suleqateqalernikkut allannguuteqassanngitsut erseqqissarneqarpoq.
- IT-kkut attaveqaasersuutit ajoquteqanngitsumik, isumannaatsumik pitsaasumillu ingerlanissaat qulakkeerniarlugu tamaviaarluta suliuassaagut, taamaalillusi suliffeqarfissi alliartornissaanik ineriartornissaanillu ukkatarinnissinnaaniassagassi, atuisunut allakkami allassimavoq.
Skandinavia soqutigisarigaa
Norskit aningaasaliisartui suliffeqarfinnut namminersortunut siunissaq ungasinnerusoq eqqarsaatigalugu aningaasaliisarnermikkut ilisimaneqarput, ingerlatseqatigiiffiullu Skandinaviami software-nik suliaqartut qarasaasianillu atortorissaaruteqartut soqutigisarai.
Comby Greenland A/S-ip 2022/23-mut ukiumoortumik naatsorsuutaani kingullermi 11,8 millionit koruuninik sinneqartooruteqartoq takuneqarsinnaavoq – ukiup siulianut sanilliullugu 3 millionit koruuninik amerlanerusunik. IT-mik ingerlatsiviuvoq ingerlalluartoq, 52 millionit koruuningajannik nammineq aningaasaateqartoq.
