Jeanette Holding asoorpoq
Jeanette Holding inissianik aqutsinermut pisortaanertut qaammatit qulit issiavoq
Qaammatit arfineq-pingasuinnaat Inimi inissianik aqutsisutut issiareerluni, pisortaq Jeanette Holding atorfimminit tunuarpoq.
INI'p pisortaanerata Kenneth T. Hansenip tamanna ilumoornerarpaa allamilli oqaaseqarumanani.
- Sulinitsinni sulisunut politikkitta ilagaa nunarsuaq tamaat oqaluttuunneq ajorlutigu suleqatitta ilaat suliffimmit tunuaraanngat, Kenneth T. Hansen oqarpoq, aamma taassuma oqaaatigiumanngilaa Jeanette Holdingip atorfimminit tunuarner piffissaq kingulleq inissiat akiisa oqummik akiuiniaaneq pissutigalugu qaffanneqarnissaannit oqallinnermit tunngaveqarnersoq.
- Atorfinitsitsigaangassi tusarliussiumasarpusi...
- Aap, kisianni suliffeqarfissuup aaqqissuunneqarneranut nutaatut saqqummiussinerusarpoq, Kenneth T. Hansen oqarpoq tunuarnerlu pillugu allamik oqaasissaqarani.
Jeanette Holding allat marluk peqatigalugit pisortanngortinneqarpoq INI nutaamik aaqqissuuteqqimmat. Niuerfiusumut pisortatut ilanngunneqarmat inissiat attartortittakkat 9.000 miss. aqunneqarneri, namminnersorlutik oqartussanik pigineqartut illuutileqatigiillu peqatigiiffiinnik aqutsineq kiisalu sanaartukkanik allanik aqutsineq. Tamanna pivoq ukioq manna februaarip aallaqqaataa.