mineselskab
Jens B. True North Gems Greenlandimi qaffasissumik atorfittaarpoq
Demokraatit siulittaasuat Jens B. Frederiksen aatsitassarsiorfimmi True North Gems Greenlandimi Executive Vice Presidentissatut toqqarneqarpoq
- Nuannaarutigalugu True North Gems Greenlandimit nalunaarutigissavarput Jens B. Frederiksen Kalaallit Nunaanni allattoqarfiani ilaalermat. Frederiksenni Kalaallit Nunaanni nunanilu allani pissutsinut ilisimasaqarluarlunilu misilittagaqarluartuuvoq politikkimi nuimasuunini pissutigalugu.
Aatsitassarsioqatigiiffimmi True North Gems Greenlandimi pisortaaneq Nicholas Houghton tusagassiutinut nalunaarummini allappoq.
Demokraatit siulittaasuata Jens B. Frederiksenip aatsitattarsioqatigiiffimmi True North Gems Greenlandimi Executive Vice Presidentitut - præsidentip tullersaatut - toqqarneqarneranut atatillugu taama nalunaaruteqartoqarpoq.
Alugunik piiaanissaq
True North Gems Greenlandi Qeqertarsuatsiaat eqqaanni Aappaluttumi aliguunik piiaaffimmik ammaaniarluni qinnuteqartareerpoq.
Aatsitassarsioqatigiiffiup ukioq kingulleq aggustimi innuttaasunik ataatsimiisitsinerani True North Gems Greenlandimi pisortap Bent Olsvig Jensenip oqaatigaa Qeqertarsuatsiaat eqqaanni Aappaluttumi aliguunik piiaaneq aatsitassarsiorfimmit aqunneqalissasoq. Piiaanermilu royalty atorlugu akileraarusiisarnikkut Kalaallit Nunaat aningaasanik isertitaqartassasoq eqqaallugu.
True North Gems Greenland aatsitassarsioqatigiiffimmut canadameersumut True North Gemsimut immikkoortortaqarfiuvoq.