Juullip Inua soorunami Kalaallit Nunaanni najugaqarpoq
Juullip Inua decemberip 24-ianni sulinngikkaangami soorunami Kalaallit Nunaanniittarpoq.
Kalaallit Nunaanni Takornariaqarnermut Inuussutissarsiornermullu Siunnersuisoqatigiit nunarsuup sinnera upperilersinniarpaat Juullip Inua avannaarsuaniittoq ilulissat, qimussit sumiiffiillu, Finlandimiittunit taajuminaannerusut, akornanniilluni. Taamatut allaaserisaqarpoq Berlingske Tidende ullumi.
Siunnersuisoqatigiit pisortaat Thomas Rosenkrands oqaluttuarpoq periusissamik ineriartortitsisoqartoq Kalaallit Nunaannik branderisussamik nittarsaasussamillu Juullip Inuata najugaqarfiatut, nunarsuarmi meeqqanut tunissutissanik pajulluni ulapinngikkaangami.
Thomas Rosenkrandsip nassuerutigaa Juullip Inua aningaasarsiorfiusinnaasoq, tamannalu pissutigalugu kalaallit juullip inua finskinit tiguniarsarigaat, pisortarlu naapertorlugu finskit "Juullip Inuanik aningaasarsiutigalugu nittarsaallaqqissuusimapput".