Kalaalimeerniarfinni pisisartunut tunisisartunullu nutaarsiassatsialak
Naalakkersuisut immikkut akuersinermut tunngasoq akuersissutigaat, taamaasiornikkut inuussutissat suliarineqarsimasut ilaannik, soorlu aalisakkanik neqinillu panertunik aamma neqit nakkutilliisunit misissorneqaqqaartartussaajunnaarsillugit
Aalisakkat neqinillu panertut kiisalu neqit kalaalimineerniarfinni tunineqartartut nakkutilliisunit misissorneqaqqaartartarunnaassapput.
Immikkut akuerissuteqarneq septembarip aallaqqaataanit 2018-imit 2019-ip naanissaata tungaanut atuutissaaq.
Nuannaarutigaa
- Naalakkersuisooqatigiinnissamik isumaqatigiissut kiisalu kalaalimerngit ajornannginnerusumik pissarsiarineqarsinnaanissaanik tassunga ilanngullugu inuussutissanik suliarineqarsimasunik tunisisinnaalerlunilu tunisassiulersinnaanissamik kommuninit assigiinngitsunit aamma inuussutissanik tuniniaasartunit saaffiginnissutaasartut tunngavigalugit aaqqiissuteqassalluta suliaqarpugut, Aalisarnermut, Piniarnermut Nunalerinermullu Naalakkersuisoq Erik Jensen tusagassiutinut nalunaarummi oqarpoq.
- Nuannaarutigeqaara piniartut aalisartullu piliaminnik annerusumik kalaalimineerniarfinni tunisisinnaalissammata, taamaalilluni kalaalimerngit amerlanerit tunineqartalersinnaassallutik, Erik Jensen erseqqissaavoq, Erik Jensen oqarpoq.
Immikkut akuersinerup kingunerisaanik nerisassat suliarineqarsimasut makku kalaalimineerniarfinnit tunisaalersinnaapput. Aalisakkat neqillu panertut. Aalisakkat neqillu qerisut. Aalisakkat neqillu tarajortikkat aamma neqit aalisakkallu pujuukkat.