Kalaallit namminersortut Danmarkimi attaveqaqatigiiffiat
Danmarkimi namminersorlutik inuussutissarsiortut arlariit Kalaallit Nunaannut attuumassutillit attaveqaqatigiiffimmik pilersitsisimapput - InuitNetwork.
Annonse
Attaveqaqatigiffik inunnik annertumik qaffasissumik ilinniagaqarsimasunik inuttaqarpoq. Uanilu anguniagaavoq, tassani ilaasortaasut imminnut tapersersoqatigiissinnaanissaat - assersuutigalugu pilersaarutinik aqutsineq, isumaqatigiissusisornerit qinnuteqaatinillu ilusilersuisarnerit.
Pilersitsiniarluni ataatsimeersuarneq Hobro-mi juunip 28-iani pivoq.
Allan Chemnitz siulittaasutut qinerneqarpoq, Gorm Vold siulittaasup tulliatut,
Hans Peter Markussen aamma Charles Kastberg Christensen siulersuisuni ilaasortatut qinigaallutik.
Inuussutissarsiutitigut attaveqaqatigiiffik internetimi quppernermi Facebook-imi aallartippoq, maannakkumullu inuit 85-90-it InuitNetwork-imut attuumassuteqarlutik.