Kalaallit Nunaat annertunerusumik isiginiarneqalerpoq
Nunat avatatitsinniittuut Kalaallit Nunaat annertuumik isiginialerpaat.
Kalaallit Nunaata avammut nittarsaanneranik Branding Greenlandip, siunnerfeqartumik suliniuteqarneratigut, ussassaaruteqartarnermi naligitinneqartartut malillugit, 39 millioner kr. – it nalinginut, Kalaallit Nunaat, Nunat Tamat akornganni tusagassiutitigut eqqartorneqarpoq. Branding Greenland, Kalaallit Nunaata, nunani allani ilisimaneqalernissaanik siunnerfeqartumik sammiveqarpoq, ukiumilu 2009 – mi, 3 millioner kr. – inik missingersuuteqarluni, suleqateqareerneratalu kinguneranik, Kalaallit Nunaat Tysklandimi, Englandimi, USA – mi aamma Sverige – mi, tusagassiutitigut annertuumik eqqartorneqarpoq. Tamanna ukiumoortumik nalunaarusiap, saqqummeqqammersup takutippaa.
Nunani pineqartuni suleqateqarnikkut, ussassaaruteqartarnermik sulialinnut akuttunngitsumik nunat tamat akornanni tusagassiutinut attaveqartitsisoqartarpoq, tusagassiortut ataasiakkaat eqimattakkaallu sullinnerisigut nunatsinnukartartut tikeraartartut suli amerliartuinnartippaat. Tusagassiutinut tunngassutilinnik suliaqarluni tikeraarnermi, tusagassiortut Kalaallit Nunaannik nutaaliaasumik ilisimasaqalertarput, taamatuttaarlu Kalaallit Nunaata, kulturimut pinngortitamut, takornariaqarnermut aamma inuussutissarsiutinut tunngassutilitsigut, periarfissaanik ilisimasaqalersarlutik.
Nalunaarusiaq www.nanoq.gl –imi takuneqarsinnaavoq.