Kalaallit Nunaat CO2 kvotemik peqanngilaq
Nordsømi uuliamik aamma gassimik piiaaneq matussuserniarlugu Danmarki 2,2 millioner tonsinik CO2-mut kvoteqarpoq, taamaattoq Kalaallit Nunaat CO2-mut kvoteqarnissaanik qinnuteqaassunneqarsimanngilaq. Taamatut allappoq knr.gl.
Nordsømi uuliamik aamma gassimik piiaaneq matussuserniarlugu Danmarki 2,2 millioner tonsinik CO2-mut kvoteqarpoq, Kalaallit Nunaat ataasinnguamilluunniit tunineqanngilaq.
Alcoa piviusunngussappat tamanna ajornartorsiutinngoratarsinnaavoq. Kisitsisit takutippaat aluminiumimik tunissiorneq ukiumut 612.000 tonsinik aniatitsinissamut pisariaqartitsivussasoq. Uuliasiornerlu minnerpaamik to millioner tonsinik kvoteqarnissamik pisariaqartitsissalluni.
Knr.gl klimaministeri aperisimavaa sooq Kalaallit Nunaat puigorneqarsimanersoq:
- Uanga tamanna ilisimanngilara aqagulu Kuupik Kleist oqaloqatigisussaavara, tassani neriuutigaara sivisuumik pitsaasumillu qaammatini aggersuni oqaloqatigiittarnissarput ammaakkumaarlugu Kalaallit Nunaani immikkut unammilligassat pillugit, Connie Hedegaard knr.gl-imut oqarpoq.
- Uanga KNR aqqutigalugu isumaqatigiinniarnianngilanga maannakkullu Naalakkersuisut Siulittaasuat Kuupik Kleistilu ingilluta oqaloqatigiissaagut. Connie Hedegaardillu ilimagilluinnarpaa upernaap ingerlanerani aaqqissutissamik pitsaalluinnartumik nassaarumaarnissartik, Kaalallit Nunaannit aamma Danmarkimit isigalugu.