- Toqqaannartumik timmisartoqalerneratigut takornariaqarneq uummaarinnerulersimavoq, tamannalu ajunngeqaaq, Qeqqata Kommuniani Arctic Circle Businessimi pisortaq Naasunnguaq B. Kristensen destination managerilu Taatsi Fleischer Sermitsiamut oqarput.
Malugisimavaat ukiuunerani
Kangerlussuarmi takornariarneq qanoq eqqugaasimatigisoq
toqqaannartumik timmisoqanngikkallarmat – ingammik qimussernermik
misigisassat allatigullu ukiuunerani sammineqartartut annertuumik
annikilleriarsimallutik. Taamaattumik Naasunnguaq B. Kristensen aamma
Taatsi Fleischer isumaqarput marsip 17-ani Jet Timemik
toqqaannartumik Air Greenland timmisalermalli Kangerlussuarmi
pissutsit pitsanngoriarsimasut.
Naasunnguaq B. Kristensen
ukioq manna februaarimi pisortatut atorfinippoq tassungalu atatillugu
qilanaarinerarpaa suliffeqarfiit suleqatigisallu qanimut
suleqatigalugit Naalakkersuinikkut pissutsini nutaani
anguniagaqarnissaq Kalaallillu Nunaanni ineriartorfiit nutaat
atorluarlugit.
- Toqqaannartumik timmisartoqalerneratigut takornariaqarneq uummaarinnerulersimavoq, tamannalu ajunngeqaaq, Qeqqata Kommuniani Arctic Circle Businessimi pisortaq Naasunnguaq B. Kristensen destination managerilu Taatsi Fleischer Sermitsiamut oqarput.
Malugisimavaat ukiuunerani
Kangerlussuarmi takornariarneq qanoq eqqugaasimatigisoq
toqqaannartumik timmisoqanngikkallarmat – ingammik qimussernermik
misigisassat allatigullu ukiuunerani sammineqartartut annertuumik
annikilleriarsimallutik. Taamaattumik Naasunnguaq B. Kristensen aamma
Taatsi Fleischer isumaqarput marsip 17-ani Jet Timemik
toqqaannartumik Air Greenland timmisalermalli Kangerlussuarmi
pissutsit pitsanngoriarsimasut.
Naasunnguaq B. Kristensen
ukioq manna februaarimi pisortatut atorfinippoq tassungalu atatillugu
qilanaarinerarpaa suliffeqarfiit suleqatigisallu qanimut
suleqatigalugit Naalakkersuinikkut pissutsini nutaani
anguniagaqarnissaq Kalaallillu Nunaanni ineriartorfiit nutaat
atorluarlugit.
Taatsi Fleischer 2024-mi
septembarimiilli destionation manageriuvoq.
Københavnip Nuullu
akornanni timminerit taamaatinnerpassuinit kommunimi takornariaqarneq
eqqugaassava?
- Tusarparput nunatsinnut aqqutip allanngorarlunilu nalorninarnera peqqutaalluni ataasiakkaat taamaatinnerannik kinguneqartoq – ilaatigut aallaaniartitsinerni, piffissap eqqortuunissaa pingaartuummat. Tamanna ingerlatsisuni tikeraanilu nalorninartorsiortitsivoq, sunniuteqarnerlupporlu, Arctic Circle Musinessimi aqutsisut nutaat oqarput.
Siusinnerusukkut
aallartinnissaq tapersersoraat
Kangerlussuarmi
takornariaqarnermi kissaatigineqarpoq 2026-mi toqqaannartumik
timminerit februaarip 15-anut nuutinneqassasut, tamanna ACB-mit
tapersersorneqarluni.
- Kangerlussuarmi takornariaqarneq tapersersorusupparput. Ukiuunerani misigisassarsiornissat piumaneqartupilussuupput – ilaatigut ukiuunerani aallaaniarnerit qimusserartitsinerillu – februaarimiit. Taamaattumik toqqaannartumik timminissat februaarip 15-anut siuartinneqarnissaat iluassagaluarpoq. Neriuppugut tamanna ataavartumik aaqqiissutaassasoq, ACB-meersut oqarput.
ACB qanoq iliuuseqarpa
Kangerlussuarmi inuussutissarsiorneq nukittorsarniarlugu maanna Nuuk
mittarfissuaqalermat?
- Kangerlussuup Kalaallit Nunaanni misigisassarsiorluni ornigassat anginerpaat akornanniilernissaa anguniarparput. Ukiuni pingasuni ussassaarinissamut nutaamik periusissiorpugut, Kangerlussuaq qitiutillugu. Visit Greenland qanimut suleqatigaarput suleqataammat pingaaruteqartoq, ussassaarinerlu ilaatigut takornarianut Kangerlussuup tunniussinnaasaattut ittunik misigisaqarnissaminnik ujartuisunut tulluarsagaavoq. Tassalu pinngortitarsuaq alutornartoq, uumasut Sermersuarlu, Naasunnguaq B. Kristensen aamma Taatsi Fleischer oqarput nangillutillu:
- Upperaarput Kangerlussuaq suli siunissami takornariaqarnikkut pingaaruteqassasoq, taamatullu ingerlanissaanut ilungersorniarpugut.
