Kaunnersuarni misissuinissamut suli aningaasat
Greenland MInerals and Energyp aningaasaliiffigineqarneratigut Kuannersuarni misissueqqaarnerit nanginneqassapput..
Australiamiut dollariannik 21 millioninik (100 million DKK) aningaasaliiffigeqqinneqarnikkut Narsap eqqaani misissueqqaarnerit nanginneqarsinnaanngorput, taama suliffeqarfik nalunaarpoq.
Aningaasaliineq suliffiup piginnittuanit Australiami Perthimi qullersaqarfeqartumi Greenland Minerals and Energy Ltd-mit pivoq.
Kuannersuarni saffiugassanik qaqutigoortunik aatsitassaqarsorineqarpoq, taakkulu avatangiisinut mianerinnittumik teknilogimi pinngitsoorneqarsinnaanngillat, ilatigut biililiorfinni allanillu elektronikkinik tuniassiornermi piumaneqaqalutik, suliffeqarfik allappoq.
Kuannersuilli aamma utaneqarput, aatsitassallu allat piiarneqarsinnaanngillaat taanna ilanngunnagu.
- Taamaattumik Kuannersuarni suli misissueqqaaqqittariaqarpoq qulaajarniarlugu aatsitassarsiortoqalissappat inuit, pinngortitap avatangiisillu isumannaatsuunissaat, allapput.
Misissueqqaarnerit ukiuni 2-4-ni sivisussuseqassangatinneqarput, kingornalu Inatsisartut aalajangiivigissavaat Greenland Minerals and Energy Kuannersuarni piiaasinnaassanersoq.