KL

DK

Kilisaatit pillugit siunnersuut: Aatsaat ukiut arfineq-pingasut qaangiuppata inuttaqarneq pillugu piumasaqaat atuutilissaaq

Nunaqavissut atorfinitsinneqarnissaannut piumasaqaat eqqarsaatigalugu ukiut arfineq-pingasut qaangiuppata kilisaatini aqumiut 60 procentinit 90 procentinut amerlineqarsinnaassasut Naalakkersuisut naatsorsuutigaat.

Kilisaatini inuttanut piumasaqaatit nutaat atuutilernissaannut ikaarsaariarneq ukiuni arfineq-pingasuni ingerlanneqassasoq Naalakkersuisut siunnersuutigaat.
TUSAGASSIORTOQ
Saqqummersinneqarpoq

Ukiorpassuarni – ingammik Naleqqameersoq Hans Enoksen siuttoralugu – kilisaatini angisuuni aqumiut nunanit allaneersunit inuttalerneqartarnerat isiginiarneqarpoq. Killilersuinerit nutaat aalisarnermi inuussutissarsiuteqartut mianersoqqussutigisimavaat, nunaqavissunillu kilisaatini aqumiutut atorfinissinnaasunik sulisussaqanngitsoq innersuussutigisimallugu.

Maanna inuttassarsiuussinermut nalunaarummi nutaami tusarniaassutigineqartutut saqqummiunneqartumi siunissami malittarisassat suut atuutilernissaat aalajangerneqarpoq.

Piumasaqaatit pingasut immikkut ittut

- Siunnersuummi aamma aningaasanut inatsisissamut isumaqatigiissummut naapertuuttumik 2033-mi januaarip aallaqqaataaniit kilisaammi aalisariutini aqumiut 90 procentii 1) Kalaallit Nunaanni inuit allattorsimaffiani allassimanissaat, 2) Kalaallit Nunaanni aalajangersimasumik najugaqarnissaat kiisalu 3)kiisalu ukiut tallimat ingerlanerini ukiut marluk ataavartumik Kalaallit Nunaannut akileraartarnissaat piumaqasaqaataapput, fremgår det af høringsmaterialet.

Inuttat aqumiuunngitsut tamakkiisumik nunaqavissuunissaannik piumasaqarneq siunnersuummi nikisinneqanngilaq.

- Aningaasanut inatsimmut isumaqatigiissut naapertorlugu maannakkut inuttarineqartartut 60 %-mit 90 %-mut ikaarsaarneq "pissusissamisoornerullunilu anguniagaqarfiunerussaaq". Ikaarsaariarnerup sivisussusaa tusarniaanermi uani paasilluarneqassaaq, taamaattorli ukiut arfineq-pingasut ikaarsaarneq pissusissamisoornerullunilu anguniagaqarnerusoq Naalakkersuisut siunnersuummi nalilerpaa, ilisimatitsissutaavoq, nangipporlu:

- Tamatumunnga piumasaqaatitut ilanngunneqassaaq, siunissami inuttaasartussat aalajangersimasumik Kalaallit Nunaanni najugaqassasut. Taamaalilluni inuit allattorsimaffianut nalunaaqqanissaq kisimi naammakkunnaarpoq, kisiannili inuit Kalaallit Nunaanni kilisaatini inuttaasussat piviusumik Kalaallit Nunaanni piviusumik najugaqarnissaannik piumasaqaataalluni.

Suliassaqarfiit akimorlugit suleqatigiinneq

Ikaarsaariarneq Naalakkersuisut kiisalu namminersortut pisortaqarfiillu sulinermi piginnaasat atorluarneqarnerunissaannik suleqatigiinneranni aamma Naalakkersuisut ilinniartitaaneq pillugu suliniuteqarneranni isigineqassaaq.

- Ilinniartitaanermut Naalakkersuisoqarfiup inuussutissarsiornermut suleqatigiissitanik pilersitsineratigut tamanna ilaatigut atuutilissaaq, taakkua aalisarnermut immikkoortortani pisariaqartitsineq ineriartornerlu tunngavigalugit ilinniartitaaneq pillugu Naalakkersuisoqarfiup pilersaarusiorneranni siunnersuisassallutik. Inuussutissarsiornermut suleqatigiissitaq taanna 2025-2040-mut aalisarneq tunisassiornerlu pillugit ilinniarneq pillugu piffissamut sivisuumut atuutilersitsinissamut pilersaarusiussasoq anguniagaavoq, ilisimatitsissutaavoq.

2031-mi nalilersuineq

Kilisaatini aqumiut nunaqavissunit naammattunik inuttalerneqarnissaat anguneqarsinnaassanersoq qulakkeerneqanngilaq, taamaattumik tusarniaanermi paasissutissat naapertorlugit piumasaqaatit nutaat 2031-mi nalilersorneqassapput.

- Inuttat katitigaanerat pillugu piumasaqaatini inuussutissarsiummut ilinniartitaanermut suliniutit naammannersut ilaatigut nalilersorneqassaaq, ilisimatitsissutaavoq.

Nunaqavissunik atorfeqartoqarnissaanik politikerit kissaateqarnerat piviusunngortinniarlugu, aamma alla pingaarutilik qasukkarneqarsimavoq.

- Taamaalilluni atorfininnginnermi ukiuni marlunni inuit allattorsimaffianut allasimanissaq piumasaqaataannaanani kisiannili ukiuni marlunni ataannartumik allassimanissaq kiisalu atorfininnginnermi ukiuni tallimani Kalallit Nunaannut akileraartarsimanissaq piumasaqaataalerpoq, naqissuserneqarpoq.

Politikkikkut isumaqatigiissut

2023-mi aningaasanut inatsisissatut isumaqatiginninniarnermi inuttat pillugit piumasaqaat oqaluuserineqarpoq, tassanilu IA, Siumut, Naleraq, Atassut attaviitsorlu ataaseq amerlanerussuteqarlutik qulakkeerpaat.

Kilisaatini aqumiut ima nassuiarneqarput:

  • Angallatip naalagaa
  • Aquttoq
  • Igasoq/pilittaq
  • Qaavani sulisut naalagaat
  • Aalisakkerivimmi sulisitsisoq

Siunnersuut pillugu oqaaseqaatit decembarip qulingiluaata tungaanut nassiunneqarsinnaapput. Tusarliussaq tamaat uani atuarneqarsinnaavoq.

fiskerierhverv finanslovsaftale erhverv bemandingsbekendtgørelse inuussutissarsiutit grønland naleraq

ATORFIIT Se alle jobs

Powered by Labrador CMS