Killimmik kapisilinniarneq

Nammineq atorfissaqartitanik kapisilinniarneq tassaavoq naammineq atugassanik aalisarneq kiisalu inuussutissarsiutigalugu aalisarneq, kalaalimineerniarfinni najukkanilu suliffeqarfinni, soorlu napparsimmavinni, akunnittarfinni, sutorniartarfinni, atuarfeqarfinni allanilu tunisassanik.

Naalakkersuisut aalajangiinerat Atlantikup Avannaani Kapisillit piujuaannartinneqarnissaannut suleqatigiiffiup, NASCO’p (North Atlantic Salmon Conservation Organizationip) Kalaallit Nunaata Kitaani kapisilinniarnerup killilersornissaanik isumaqatiginninniarnerni angusanut naapertuuppoq.

KNAPK isumasioqatigereerlugu kapisilinniarnissap aallartinnissaa 1. august aalajangiunneqarpoq. Aalisarneq arfininngornermi 31. oktober unitsinneqassaaq.

Piffissap taaneqartup avataatigut aalisarneq inerteqqutaavoq akiliisitaanerlu kiisalu pisanillu arsaagaaneq unioqqutitsinerup kingunerisinnaavaa.

Kalaalimineerniarfinni najukkanilu suliffeqarfinnut kapisilinnik tuniniaanissaq siunertaralugu aalisarneq akuersissuteqarnissamik piumasaqaateqarfiummat erseqqissaatigineqassaaq. Kapisilinniarnissamut akuersissut kommunini qinnuteqaatigineqassaaq.

Aalisakkerivinnut kapisilinnik tunisisinnaaneq kiisalu kapisilinnik avammut nioqquteqarnissaq inerteqqutaavoq. Atlantikup Avannaani kapisilinnik pissamaatinik nungusaataanngitsumik iluaquteqarnissaq taamatut aalajangernermut pissutaavoq.

Pisat tunisallu tamaasa KANUAANA-mut nalunaarutigineqassapput. Nalunaarsuinermut immersugassaq kommunini tamani imaluunniit www.nanoq.gl -mi pissarsiarineqarsinnaavoq.