KNI-mut tapiissutit utertarput
KNI-p nunaqarfinni isorliunerusunilu pisiniarfiisa ingerlanneqarnerinut tapiissutissat Inatsisartut sulissinissamut isumaqatigiissut aqqutigalugu akuersissutigisartagaasa 60 procentii ukiut qulit kingulliit ingerlanerini Namminersornerullutik Oqartussanut utertinneqarsimapput.
Annonse
Taamaattumillu inuiaqatigiit tamakkuninnga ingerlatsinerat ilimagisamiit akikinnerujussuuvoq.
Tamanna pisiniarfeqarfiup 2008-mut naatsorsuutaani takuneqarsinnaavoq, pisiniarfeqarfiup aningaasat Namminersornerullutik Oqartussat suliffeqarfiullu akornanni qanoq ingerlaartarnerat siullermeersumik takussutissiorsimammagu.
Kisitsisit malillugit KNI 199-2008-mi katillugit 617 millioner kroninik sullissinissamut isumaqatigiissutit tunngavigalugit tigusaqarsimavoq. Paarlattuanilli Landskarsi piffissami tassani pissarsiat, suliffeqarfiup akileraarutai suliffeqarfiullu nammineq aningaasaatai aqqutigalugit 228 millioner kroninik pissarsisimavoq.