Kuupik Kleistip VK-mi siuttut naapissavai
Nunanut allanut politikki pillugu ataatsimiititaliaq CIA-p danskit silaannartaanni timmisartuussisarneq pillugu tallimanngornermi ataatsimiigasuassapput.
Annonse
Naalakkersuisuni siuttut inerteqqutaasumik CIA-p parnaarussanik danskit silaannartaanni timmisartuussisimaneragaanerat pillugu marloqiusamik iliuuseqarsorineqarnerminni nassuiaaqquneqassapput udenrigspolitisk nævnimi pinasuartumik ataatsimiinnermi.
Tamanna pissaaq tallimanngornermi ualikkut Christiansborgimi aamma Kuupik Kleistip peqataaffigisassaani.
Naalakkersuisut siulittaasuat CIA-p Kalaallit Nunaat qulaallugu inerteqqutaasumik timmisartuussisimanera pillugu tallimanngornermi statsministerimik Lars Løkke Rasmussenimik (V) aamma nunanut allanut ministerimik Lene Espersenimik (K) ataatsimeeqateqarnermini apeqqutilliiniarpoq.
Taamatut allaaserisaqarpoq Ritzau.