Lars-Emilip Kangilinnguani Sakkutooqarfik taperserpaa
Kangilinnguani Sakkutooqarfimmi siusinnerusukkut pisortaasimasut maannakkullu pisortat sakutooqarfiup nunamut allamut nuunneqarnissaanik, tamanna Forsvarskommissionip naluaarusiani periarfissatut taaneqarpoq, mianersoqqusisut kisiminngillat. Siumup folketingimut ilaasortaatitaa Lars-Emil Johansen aamma taamatut isumaqarpoq.
Annonse
- Tamanna siullermik Namminersortut oqaasissaqarfigissavaat. Kisianni uanga inuttut isumaqarpunga Kangilinnguani Sakkutooqarfik Kalaallit Nunaanniiginnaruni pingaaruteqartoq, tamaanilu inuiaqatigiinnut akuunerulerluni. Taamaattumik periarfissaasinnaavoq sakkutooqarfiup Nuummut nuunneqarnera, Lars-Emil Johansen oqarpoq, tamannalu sukumiinerusumik iserfiginiarpaa Folketingi assaanerani sulinngiffeqareerlutik katersuuteqqippata.
Illersornissamut isumaqatigiissut malillugu taava Kalaallit Nunaanni aamma Savalimmiuni sakkutooqarfiit kattutsinneqassapput. Tamannalu 2014-ip naanerani naammassineqareersimassaaq. Taamatut allappoq ag.gl.