Maajip aallaqqaataa: SIK nersornaatinik agguaavoq
ÔdâK Olsenip Aningaasaateqarfia SIK-mit ingerlanneqartoq ukiut tamaasa maajip aallaqqaataani nersornaasiisarpoq sulisartut peqatigiiffiini aalajaallutik peqataasimasunik. Aamma ukioq manna taama pisoqassaaq.
Sulisartut Ulluanni SIK kajumissaasiillunilu 'Immikkoortortaqarfitsialammik' toqqaavoq.
Immikkoortortaqarfiit siunnersuuteqarnerisigut SIK-p siulersuisuuneri aalajangersimapput uku kajumissaaserneqassasut, allagartanik uppernarsaatinik 5.000 kr.-inik aningaasartalin-nik tunineqassallutik:
- Suffiaaraq O. Petrussen, SIP-Kangaamiut
- Marie Olsen, SIP-Ilulissat
- Pavia Johnsen, SIP-Upernavik
- Vittus Henson, SIP-Nuuk
Immokkoortortaqarfitsialak
SIK-p Nakkutilliisoqarfiata 11. apriili ataatsimiinnerani aamma ukioq manna “Immikkoortortaqarfitsialak”-mik toqqaaneq tusarliunneqarpoq.
Uummannami sulinermik inuussutissarsiuteqartut peqatigiiffiat Jokum Zeeb-ip siulittaasuuffigisaa ukioq manna taamatut toqqarneqarpoq.
- Toqqaanermut tunngavilersuutigineqarpoq ukiuni qulini kingullerni Uummannami immikkoortortaqarfiup ilaasortarisinnaasani tamangajaasa ilaasortariuarsimagai. Aamma ukiuni kingullerni maajip aallaqqaataani alutornarluinnartumik Uummannami ilaasortaminnut aaqqissuussisarput – arpatsitsinngikkunik sikumi aalisartitsillutik, tamannalu aqqutigalugu sulisartut ataatsimoortittarlugit, SIK tusagassiutinut nalunaarummi allappoq.