Umiarsuaatileqatigiiffik Disko Line ilaasartaatitaami
113-inik ilaasoqarsinnaasup Maliina Ittup tungaatigut iluatsitsivallaarsimanngitsutut
oqaatigineqarsinnaavoq. Taassuminngami sanaartorneq 2019-imi aallartimmalli
suut tamangajammik iluatsinngitsoorput.
Ilaasartaatitaalli Maliina Ittuk Atlantikoq
ikaassallugu Danmarkimiit kiisami aallaqqammerpoq, Lervickillu Shetlandip
qeqertaaniittp umiarsualiviani matumani oqaluttuap massuma allaatigalugu naammassileruttornerani
talisimalluni.
Umiarsuaatileqatigiiffik Disko Line ilaasartaatitaami
113-inik ilaasoqarsinnaasup Maliina Ittup tungaatigut iluatsitsivallaarsimanngitsutut
oqaatigineqarsinnaavoq. Taassuminngami sanaartorneq 2019-imi aallartimmalli
suut tamangajammik iluatsinngitsoorput.
Ilaasartaatitaalli Maliina Ittuk Atlantikoq
ikaassallugu Danmarkimiit kiisami aallaqqammerpoq, Lervickillu Shetlandip
qeqertaaniittp umiarsualiviani matumani oqaluttuap massuma allaatigalugu naammassileruttornerani
talisimalluni.
Maliina Ittuk Disko Linep aasaanerani
angallassinissanut pilersaarutai naapertorlugit Qaqortup Narsarsuullu akornanni
juunip aallaqqaataani angallassissutaalereersimasussaagaluarpoq. Maajimili avannamukaarnermini
Frederikshavnip kujataata imartaatigoortilluni teknikkikkut
ajornartorsiuteqalerpoq.
Ulluni 128-ni amutsivimmiiittoq
Maliina Ittuk Frederikshavnimi ulluni 128-ni Orskovip
amutsivianeeriillarluni tassannga nunatsinnukassalluni septembarip 24-ani
aallarpoq.
- Maliina Ittuup generatoria ajoquteqarmat taarserneqarpoq.
Generatorertaava ajunnginnersoq paasiniarlugu misilittarneqangaatsiareerluni
aallariaannanngorpoq, Disko Linep pisortaanera Michael Højgaard oqarpoq.
- Maanna Lerwickimiippoq. Taava Qaqortumullu ukioru
Ilulissanilu 2026-mi upernaamiit angallassissutaajartorluni ingerlaqqitsigani Islandimukaqqaassaaq,
tassanilu silagissiorfiunissaa ilimagineqarluni, pisortaaneq oqarpoq.
Ilaasartaatitaavata annersarigaat
Disko Linep 1999-imi ilaasartaatigiligaa Najaaraq Ittuk
ilaasartaatini annerpaajunnaarluni Maliina Ittuk Disko Linep umiarsuaataata nunatsinnilu
ilaasartaatitaat annersarilissavaat. Najaaraq Ittuk 60-inik ilaasoqarsinnaavoq
– massa Maliina Ittuk ilaasunut issiavissualersukkanik marlunnik inersualiusoq ingerlaarnermilu
silagissiortilluni seqinnisaarfissaqqissumik qaaliusoq marloriaatingajammik
amerlanerusunik tassa 113-inik marlunnik ilaasoqarsinnaasoq.
Ilaasartaatitaaq Maliina Ittuk innaallagiatortuullunilu
ikummatissatortuuvoq. Tassa battereerujussuaq ikummatissarluunniit atorlugu
ingerlasumik innaallagiatortumik motooreqarpoq.
Ilaasartaatitaamik taassuminnga sanaartorneq 2019-imi
aallartimmalli iluatsinngitsoortut imaaginnavipput. Siullermik corona
tuniluulluni aallartippoq – teknikkikkullu tamatuma kingorna aamma ajornartorsioqatttaarluni.
Tamanna naammassiniarnissaata Assens Stålskibsværftimiit Faaborf Værftimut
nuullugu siornaak isumagisassanngortinneqarneranik kinguneqarpoq.
