Maliina Ittuk kinguaattoorfiorujussuartoq
Disko Linep Assens Skibsværft isumaqatigiissuteqarfigaamaannalu Faaborg Værft umiarsualiornermiknaammassinninniartussanngorluni.
![Maliina Ittuk siorna ukiukkut Assensimi amutsivimmit singinneqarmat.](https://image.sermitsiaq.ag/252760.webp?imageId=252760&width=960&height=518&format=jpg)
Nunatsinni umiarsuarmik ilaasunik angallassissumik akuleriissitsilluni ingerlatilimmik siullermik, Disko Linep umiarsuassaanik Maliina Ittummik, umiarsualiorneq kinguaattoorfiungaatsiarpoq. Umiarsuup Kujataani angallassilernissaa siorna aallaqqaammut pilersaarutaagaluarpoq, maannali aasaru angallassilernissaa Disko Linep siunniuppaa.
Taamak allaaserinnippoq aviisi Sermitsiaq.
Maliina Ittuk maannakkorpiaq Faaborg Værftimi Fynimiittumi umiarsualivimmiippoq, ukiullu affaata tulliata ingerlanerani naammassineqassasoq, umiarsualiorfik nittartakkamini allappoq. Assens Skibsværft – aamma Fynimiittoq – umiarsualiornissamik suliassinneqaraluarpoq 38 meterisut takitigisumik, 113-inik ilaasoqarsinnaasumik, Disko Linellu umiarsuaataanni maannamut anginerpaasussamik. Fynimi aviisimi Fyns Stiftstidendemi allassimavoq, umiarsuaq taanna aamma tassaasoq Assens Skibsværftip maannamut sanaartugaasa annersaat.
Ajornartorsiuteqartoq
Maliina Ittuk ukiup ataatsip missaata matuma siornagut Assensimi singinneqarpoq, arlaannilli ajortoqarnera patsisigalugu, Faaborg Værftip Maliina Ittuup naammassiniarnissaa isumagisussanngorlugu.
Allaaserisaq tamaat aviisimi Sermitsiami atuaruk.