Maniitsumi oqallinnissaq piareersimaffigaat
Maniitsumi alumimiumik aatsitsivik pillugu innuttaasunik ataatsimiititsineq, ilaatigut Ove Karl Berthelsenimik oqalliseqateqarnissamik periarfissalik inunnit ornigarluarneqarpoq
Apeqquteqarusuttorpassuupput issatsiaq Maniitsup katersortarfiani innuttaasut ataatsimiissinneqarmata.
Sammineqarpoq illoqarfiup ungataani aluminiumik aatsitsivimmik pilersaarut. Apeqqutigineqartut avatangiisinut sunniutaasinnaasuniit, pilersaarut pilersinneqanngitsuussappat paarlattuanik suut inuussutissarsiutaasinnaanersut eqqartorneqarput.
Inuussutissarsiornermut aatsitassanullu naalakkersuisoq Ove Karl Berthelsen, Inuit Ataqatigiit inersuarmit apeqqutigineqartunik akisartut ilagaat. Apeqqutinik akissuteqartigani annertuumik aatsitassarsiornissamik pilersaarut pillugu saqqummiussivoq, Kalaallit Nunaannut qanoq sunniuteqassanersoq - pilersaarutit aluminiumik aatsitsiviliornissatut ittut pilersinnerisigut suut unamminartissanerivut aamma eqqartorlugit.
Oqallitsitsinermi aamma sassartitaapput Inatsisartut Inuussutissarsiornermut ataatsimiititaliaa aamma Hermann Berthelsen, Qeqqata Kommunia borgmesteri.