KL

DK

Mingutsitsinnginnissamik takorluukkat ilungersunarsisut

Umiarsuup ikummatissartorlunilu innaallagiatortup sananeqarnera kinguaattuungaatsiarpoq.

Maliina Ittuk Faaborgip umiarsualiorfiani suli talinngavoq. Maannalu februaarip ingerlanerani Kalaallit Nunaannut tikissasoq ilimagineqarpoq.
Jesper Hansen
Saqqummersinneqarpoq

Umiarsuup hybridip Maliina Ittuup inaarsarneqarnera Disko Linemut ilungersunarsilluinnarpoq. 

Umiarsuaq Faaborgimi amutsivimmi suli uninngavoq, tassani teknikerit hybridimik teknikki nutaaliaq atorsinnaalersinniarsaraat.

Umiarsuup hybridip Maliina Ittuup inaarsarneqarnera Disko Linemut ilungersunarsilluinnarpoq. 

Umiarsuaq Faaborgimi amutsivimmi suli uninngavoq, tassani teknikerit hybridimik teknikki nutaaliaq atorsinnaalersinniarsaraat.

Umiarsuaq mingutsitsinngitsumik angallassinermut, ukiuni aggersuni takornariartitsinermi unammillerutaasussamut, ilaavoq.

Maliina Ittuup kinguaattoornera assut ajuusaarnarpoq, Disko Linemi pisortaaneq Michael Højgaard oqarpoq.

Maliina Ittuk juunip naanerani Julie Berthelsenimit atserneqareerluni sapaatip-akunnialuinnaat qaangiuppata Kujataani angallassilersinnaasoq aallaqqaammut neriuutigineqaraluarpoq. Taamatulli pisoqanngilaq. Angallassilernissaa septembarimut kinguartinneqarpoq – maannalu Maliina Ittuk aappaagu februaarip ingerlanerani Qaqortumut tikissasoq Disko Linep pisortaanerata Michael Højgaardip neriuutigaa.

- Sumilli neriorsuuteqarnissannut mianersorpunga. Ajoqusernerup kingorna ilikkartoqartarpoq, teknikkilu ilungersunartorujussuuvoq. Ingammik aqutsiveqarfik innaallagissamik dieselimillu ingerlatitseqqittarnermik aqutsisoq unammillernartuuvoq, Michael Højgaard nassuiaavoq.

Pisariaqartitsineq matussuserneqartoq

- Qujanartumik teknikkikkut nutaaliornermi unammillernartut ilaasunut sunniuteqanngillat. Maannakkut angallatitta annersaat Najaaraq Ittuk Kujataani angalatitsisarparput – taannalu 60-inik ilaasoqarsinnaavoq, ukiukkut pisariaqartitsinermut naammappoq.

Batteriit angisuut ilaatigut aquummut atassuteqartut ajoquteqarneri Maliina Ittuup angalasinnaajunnaarneranut ilaatigut pissutaapput.

Maliina Ittulli 113-inik ilaasoqarsinnaasoq, Kalaallit Nunaannilu ilaasut maannamut takusimasaannit ilorrisimaarnarnerungaartoq, pillugu unammillernartoqarnera uggornarpoq.

Aamma uatsinnut akisuvoq. Uninngaannartumimmi umiarsuaqarneq soorunami akikitsuinnaanngilaq. Maliina Ittuk Kalaallit Nunaannut tikippat umiarsuaq amerlanerusunik isumagisaqalissaagut - pisariaqartitsinermullu naapertuuttumik inuttalersinnaavarput.

MALIINA ITTUK

IMO 9987988

Nunagisap aqqa: Ilulissat

Kalerrisaarut: OZMI

Ilaasinnaasut: 113

Inuttat: 4

Takissusaa: 38,20m

Silissusaa: 7,20m

Angallassinermi sukkassuseq: 18 knob

DNV-ip klassinik nalunaarsuinermut najoqqutassiaanut naapertuuttumik sanaaq: 1A1 Passenger ship, Ice (1C), E0, Battery (Safety), Clean, BIS, Comf V2.

Siumut ingerlaneq:

Diesel innaallagiatortoq / hybrid. 4 x D16 Volvo Penta + 1 x D7 (EMG). Batteri ca 400KWh Corvus Dolphin. Sarfaliuutit + siumoornermilu motoorit + aquummut motoorit Danfoss.

Sarpiit (Ice 1B), sarpiit akseliat (Ice 1B) aamma aquutip atortui: Hundested Propeller

Aquut aquummullu maskiinat (Ice 1B) A:S Scan

Sumiissusersiorneq aamma GMDSS: Furuno

PMS: Danfoss

Kallerisaarinermut atortut: DEIF

LSA: Viking

Maliina Ittuk sivisuumik sananeqarpoq. Pilersaarutit siulliit 2019-imi naammassineqarput, taavali corona tuniluutilerpoq – kingornalu hybridteknikki ajornakusuulerluni. Tamatuma kingunerisaanik umiarsualiorneq siorna Assensimi Stålskibsværftimiit Faaborgimi umiarsualiorfimmut nuutinneqarpoq.

Naliliineq

- Umiarsuaq Faaborg Værftip umiarsualiornermik tigusineranut atatillugu nalilersorneqarpoq – tamatumalu peqatigisaanik Maliina Ittuup ingerlannissaanut piareersaanissamut pilersaarut suliarineqarpoq. Ajoraluartumik pilersaarut tamanna iluatsinngilaq. Arlalinnik pisoqarnera tamatumunnga pissutaavoq – aqqutaanilu kukkusoqarsimanersoq oqaatigisinnaanngilara, Michael Højgaard oqarpoq.

Maliiina Ittuk ikaartaammik hybridiusumik taaneqarpoq. Tassa imaappoq, umiarsuaq dieselmotori aamma batteri innaallagialersuisoq atorlugu ingerlasinnaavoq. Motoorinik innaallagiatortunik marlunnik angisuunik ingerlatitsisoqarpoq. Taakkua sarpiit aquutillu ingerlatippaat. Motoorit innaallagiatortut batterimit angisuumit, Porchep biiliniik innaallagiatortunik sisamanik angisuunik ingerlatsisinnaasutut sakkortussusilinnit, imaluunniit Volvo Penta motoorinit dieselitortunit marlunnit nukissiortarput.

- Aallaqqaammut innaallagiaq atorlugu ingerlatsineq umiarsualivimmi angallassinermi aamma iluliarsuit arferillu akornanni takornarianut angallassinermi atorneqartassaaq. Batteeri atorlugu ingerlaneq umiarsualivinnik avatangiisinut pingaaruteqarpoq – aamma nipikitsuinnarmik ingerlanera takornarianik angalatitsisarnermi iluaqutaangaassaaq, assersuutigalugu arfernik takusassarsiornermi.

Innaallagiaq akunnernut marlunnut naammattoq

- Batterii nalunaaquttap akunnerit marluk missaanni 8 knobimik sukkatsigaluni angalanissamut naammattarpoq, Maliina Ittulli kingusinnerusukkut batterip allilerneqarsinnaanissaa piareersimaffigaa. Maanna teknologeeqarnikkut periarfissat taamaatillugit innaallagiartortuuinnarnissaa piviusorsiunngilaq. Kalaallimmi Nunaanni sumiiffiit avinngarusimavallaarput, Michael Højgaard oqarpoq

- Akunnernili marlunni innaallagissamik ingerlasinnaanera iluaqutaangaatsiassaaq, qularinngilarpullu takornariat tamanna iluarissaqigaat. Takornariat akornanni avatangiisinut pingaartitsineq annertusiartorpoq - tamannalu ukiuni tulliuttuni pingaarutilittut unammillissutaassaaq.

- Umiarsuit hybridit aamma umiarsuit innaallagiatortut angallassinerit mingutsitsinnginnerunissaannut allannguutaapput, umiarsuaatileqatigiiffiillu akisussaasut tamarmik peqataaffigisariaqagaat. Taamaammat teknikkip ajornartorsiutaanera assut ajuusaarnarpoq.

- Disko Line Kujataani Qeqertarsuup Tunuanilu ilaasunik angallassineq pillugu Naalakkersuisunik ukiuni qulini kiffartuussinissamik 2021-mi isumaqatigiissuteqarpoq. Umiarsuarmut taama angitigisumut aningaasaliisinnaagatta piffissaq sivisooq isumaqatigiissutigineqarsimasoq tunngaviuvoq, Michael Højgaard nassuiaavoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

disko line inuussutissarsiutit michael højgaard maliina ittuk faaborg værft hybridteknikki

ATORFIIT Se alle jobs

Powered by Labrador CMS