Mininnguaq Kleist neriulluartoq: Tuluit killiligaanngitsunik ukioq manna isumaqatigiissusiorfiginissaat neriuutigaara
Tuluit Nunaata nunat 71-it killiligaanngitsumikniuernermillu isumaqatigiissusiorfigereerai KalaallitNunaat suli isumaqatiginninniarpoq. Kalaallit Nunaanniitisumaqatigiinniarnermi pisortaq Mininnguaq Kleistneriulluarpoq ukioq mannalu isumaqatigiissuteqarnissaaneriuutigalugu.
Tuluit sandwichimik raajanik qallersukkat taavalu aalisakkat pomfriitilerlugit mamarilluartuuaat. Nerisassiarineqartartut Kalaallit Nunaanniit pissarsiarineqakkajupput.
Kalaallit Nunaat Tuluit nunaallu killiligaanngitsunik isumaqatigiissutaat suliffeqarfinnut avammut tunisassiornissamik periarfissiilluarpoq.
Kalaallit sinnerlugit isumaqatiginninnianermut pisortaq, nunanut allanut, inuussutissarsiornermut niuernermullu naalakkersuisoqarfimmi pisortaatigisoq Mininnguaq Kleist taama isumaqarpoq.
– Isumaqatigiinniarnerit siuariarfiulluarput. Nuummi Londinimilu pingasoriarluni naapilluni maannamut isumaqatigiinniartoqareerpoq. Taakkua saniatigut nittartakkatigut ataatsimiittoqartarluni. Niuernissamut isumaqatigiissut ukiup naannginnerani atsiorneqarnissaa neriuutigaara, oqarpoq.
Ukiumut avammut niuernermit milliardi koruuni
Tuluit Nunaata 2021-p 2022-llu ingerlanerani Australia, New Zealand Japanilu killiligaanngitsunik isumaqatigiissusiorfigai. Kalaallit Nunaat Tuluit Nunaallu 2022-p aallartinneraniilli isumaqatigiinnialerput. Killiligaanngitsumik isumaqatigiissusiornikkut Kalaallit Nunaat akitsuuteqanngitsumik imaluunniit akitsuutinik akikinnerusunik raajanik saarullinnillu tuluit niuerfiannut niueruteqarsinnaassaaq.
– Kalaallit raajanik aalisakkanillu siunissami ungasinnerusumi avammut nioqquteqarnerannit ukiumut milliardi koruunit pallillugit iluanaarutigineqarsinnaapput, amerlanernilluunnit, Mininnguaq Kleist naliliivoq.
