Mittarfeqarfiit killilersuutit qasukkarpaat
Corona pillugu killilersuutinik taamatsitsineq ilutigalugu Mittarfeqarfiit mittarfiini qulimiguullu mittarfiini aamma qasukkaasoqarpoq.
Maanna ilaqutariit ikinngutigiilluunniit tikeraartussatik mittarfimmi heliportimiluunniit isersimallutik utaqqisinnaalerpaat, utaqqinerminilu qanermut assiaquteqartariaarupput. Piffissamimi aalajangersimasumi taamaallaat aallariartortussat Mittarfeqarfinnut isersimasinnaasimapput.
Corona pillugu killilersuutit oqartussaniit februaarip qulingani atorunnaarsinneqarput. Mittarfeqarfiit malinnaalluni qasukkaaniarluni aalajangerpoq. Mittarfeqarfinni isersimasut killilersorneqarunnaarput, qanermut assiaqut atorunnaarsinneqarpoq aallariartortunut ilaqutaasut qanigisaasullu aamma isersimasinnaanngorput.
- Mittarfeqarfiit mittarfiisa qulimiguulinnullu mittarfiit illutaannut isersinnaasut killersuiffigineerupput - aallariartortarfinnullu isertoqaqqusaannginneq atorunnaarsinneqarluni.
- Mittarfeqarfiit illuutaanni qanermut assiaquteqarnissaq piumasaqaataajunnaarpoq–
taamaakkaluaq Atlantikoq ikaarlugu nunamut allamut angalassaguit qanermut assiaqummik
timmisartumi atugassannik nassataqarit, taama Mittarfeqarfiit tusagassiuutinut nalunaarummini allappoq.
Aallalernermi tikinnermiluunniit angalasut allat eqqarsaatigineqartarnissaat Mittarfeqarfiit erseqqissaatigaa.