Mittarfeqarfinni pisortanngortussaq
Niels Kreutzmann Mittarfeqarfinni pisortatut atorfinitsinniarlugu Naalakkersuisut aalajangerput, taassumalu Jesper Juhl, atorfimmit tunuarniarluni aalajangersimasoq taarsissavaa.
Niels Kreutzmann oktobarip ulluisa aallaqqaataanni atorfinissaaq.
Niels Kreutzmann 43-nik ukioqarpoq, Qullissani inunngorsimalluni aammalu Nuummi peroriartorsimalluni. Niels silaannakkut angallassinermi assartuinermilu ingerlatseqatigiiffinni arlalinni aqutsinikkut annertuunik patajaatsunillu misilittagaqarpoq, taakkununngalu Grønlandsfly-usimasoq, Bornholms Trafikken aamma Albatros Travel ilaapput. Niels Kreutzmann cand. merc.-itut Copenhagen Business School-imiit soraarummeersimavoq.
- Niels Kreutzmann atorfimmut tassunga tulluulluinnartuuvoq. Assartuinermi aqutsinikkut annertuunik patajaatsunillu misilittagaqarpoq, aammalu suliassaqarfik sullissinerup sullitallu tungaanniit ilisimaaralugu. Nielsip misilittakkani piginnaaninilu tunngavigalugit Mittarfeqarfiit ingerlateqqissinnaassagai, tamatumalu peqatigisaanik assartuinermi allannguutaasartut, inuiaqatigiit siunissami aqqusaartagassaat ilutigalugit ingerlatseqatigiiffimmik ineriartortitsisinnaassasoq qularinngilara, Ineqarnermut, Attaveqarnermut Angallannermullu Naalakkersuisoq Jens B. Frederiksen oqarpoq.