Mittarfiliortiternerup aningaasaqarnera
Mittarfinnut aningaasartuutit amerleriarsimapput missingersuutinut ilanngunneqarsimanngitsunik, taamatut naliliivoq Lars Lund, siusinnerusukkut Ilisimatusarfimmi sulisimasoq Copenhagen Business Schoolimilu lektor emeritus.
Aqagu septembarip 18-iani Kangerlussuaq pillugu sakkutuunik isumaqatigiissuteqarnerput ukiunik marlunngortorsiussavarput. Nunami maani ilisimanerusariaqaraluarparput sakkutuut, USA uagullu nammineq qanoq iliorusunnerluta. Naalakkersuisulli Inatsisartullu assartuinerup aaqqissuussaaneranik, imaluunniit mittarfiliortiternerit ingerlanneqartut aningaasaqarnerannik silatunerulersissinnaasimanngilaatigut, aviisi Sermitsiaq allappoq.
Ilulissani Nuummilu mittarfiit aningaasaqarnerannik naatsorsuinerit Kangerlussuaq pillugu pissusiviusunit sunnerneqarsimassapput. Pingaartumik siulittuutigaara tassuunakkut Nuummi mittarfiup inerlanneqarnera eqqorneqassasoq, taamatut oqarpoq Lars Lund, Copenhagen Business Schoolimi lektor emeritus, siusinnerusukkullu Ilisimatusarfimmi sulisimasoq.
– Assartuussineq pillugu Isumalioqatigiissitap 2011-imi, kingornalu Rambøllimit Deloittemillu siunnersortitut nalunaarusiat naatsorsuutigaat, Kangerlussuaq matuneqarpat, mittarfillu aserfallatsaalineqarunnaarpat, aningaasarpassuit sipaarneqassasut. Mittarfinnut nutaanut aningaasaliissuteqarnerit naleqassusiannik naatsorsuinerni aningaasatigut tunngavissat tamanna ilagisimavaat.
Allaaserisaq tamaat uani Sermitsiami atuaruk: