Motorimik ajutoortoqarneratigut imarpikkoortaat nioqqutissanik Nuummut pajuttoq kinguaattoorpoq
Umiarsuaq Bruarfoss, Nuummut ingerlaaraluartoq, Reykjavikkimut utiinnartariaqalerpoq motoriminik ajornartorsiuteqarluni, taamak ilisimatitsivoq Royal Arctic Line.
Motorimik ajornartorsiuteqartoqarnera pissutigalugu umiarsuaq imarpikkoortaat kinguaattooqqavoq, namminersorlutik oqartussat umiarsuaatileqatigiiffiat Royal Arctic Line ilisimatitsivoq.
Royal Arctic Line sisamanngornermi nalujaarpoq, umiarsuaq Bruarfoss Reykjavikkimut utertariaqarsimasoq motoriminik ajornartorsiuteqarluni.
Pisoq Royal Arctic Linemit qanimut malinnaaffigaarput Nuummilu sinerissamilu niuertut aamma qanittumik attaveqarfigalutigit.
Tallimanngornermi umiarsuaatileqatigiiffik tusagassiuutitigut nalunaaruteqarpoq, motorimik ajornartorsiuteqarneq suli aaqqinneqarsimanngitsoq, tamatumalu malitsigisaanik umiarsuup Nuummut tikinnissaa piffissaligaanngitsumik kinguaattooruteqartoq.
Pisoq qanimut malinnaaffigineqartoq
- Royal Arctic Line qanimut malinnaavoq aammalu Nuummi sineriammilu niuertarfiit aamma qanoq pisoqarneranik malinnaatillugit.
Nutaarsiassaqarniariarpat, Royal Arctic Line nalunaaruteqassamaarpoq nittartakkani www.ral.gl aqqutigalugu.
Tamatuma saniatigut aamma umiarsuaatileqatigiiffiup nunaqarfiliartaataa Tilioq Arctica suli angalasinnaanngilaq. Pajuttaat taanna Kujataani sullissisuuvoq, taannalu pingasunngornermili angalaqqilertussaagaluarpoq, tamannali maannamut suli iluatsinngilaq:
- Naatsorsuutigisatsinnit taartissamaatit suli amerlanerusut pisariaqartipparput. Taartissamaatillu nutaat inniminnerneqareerput taakkulu Bruarfoss 340 aqqutigalugu Nuummut apuunneqartussaapput, timmisartukkut tikisinnissaat ajoraluartumik ajornarmat, Royal Arctic Line ilisimatitsivoq.