Muttenimi Daddysimilu pisortaq pisortaajunnaarpoq
Nicolai Nissenip HECA Nuuk-mi piginneqataassutini tuniniarpai pisortatullu tunuarluni
Annonse
Nicolai Nissen HECA Nuuk-mi imerniartarfinnik neriartarfinnillu ingerlartitsisutut unippoq. HECA-p siulersuisui tusagassiutinut taama nalunaaruteqarput.
- Nicolai Nissenip suliffeqarfimmik piginneqataassutini januaarip aallaqqaataat 2019 aallarnerfigalugu pigiunnaarpai. HECA Nuuk A/S tamassuma kingorna HHE-p ingerlatsiviani 100 procentimik pigineqalissaaq, tusagassiutinut nalunaarummi allassimavoq.
- Nicolai J. Nissen tamatuma malitsigisaanik HECA Nuuk A/S-imit pisortatut tunuarpoq. Suliffeqarfiup ulluinnarni ingerlanneqarnera pisortap tullianit Jesper Hansenimit ingerlanneqarallassaaq.
HECA-p Kristinemut, Daddys, Godthåb Bryghus aamma Red Dragon ingerlatarai.