Naalakkersuisoqarfik takornarianut: Aalisarsinnaanermut akuersissut eqqaamallugu
Kalaallit Nunaanni takornariat aalisarusukkunik, aalisarsinnaanermut akuersissummik pisiaqarnissartik eqqaamassavaat.
Aalisarnermut, Piniarnermut Nunalerinermullu Naalakkersuisoqarfiup takornariat tikeraallu nunami maaniinnerminni aalisarussutut, aalisarsinnaanermut akuersissummik pisiaqarnissaat erseqqissaatigivaa.
Aalisarsinnaanermut akuersissut nunamut tikitsinnani pisiarineqarsinnaavoq imaluunniit Kalaallit Nunaanni allakkerisarfinni.
Qanoq sivisutigisumik aalisarusunneq apeqqutaalluni akit assigiinngillat:
Aalisarnissamut akuersissut nalunaaquttap akunnerinut 24-nut: DKR 75 kroner
Aalisarnissamut akuersissut sapaatip akunneranut: DKR 200 kroner
Aalisarnissamut akuersissut qaammammut: DKR 500 kroner
Sumiiffiit arlallit akuersissummut ilaasut
Naalakkersuisoqarfimmit eqqumaffigeqquneqarpoq, kooqarfiit arlallit sukisaarsaatigalugu aalisarsinnaanermut akuersissuteqarfiusut:
-Taamaammallu takornariat imaluunniit tikeraartut piffinni pineqartuni aalisarusussappata taava koncessioneqartunut saaffiginnittariaqassapput, naalakkersuisoqarfik tusagassiorfinnut nalunaaruteqarnermi allappoq.
Kuuit pineqartut tassaapput:
Kuussuaq Nuup Kangerluani Qussummiittoq – Nuuk Adventure.
Robinson River Angujaartorfimmiittoq – Albatros Arctic Circle.
Qooqqut Kangia-niittoq – Major Hunting.
Eqalussussuit Isortumiittoq – Sirius Greenland.
Erfalik Kangerlussuup aamma Itilliup akornanniittoq – Sirius Greenland.
Napiarissat Kangerlussuup aamma Itilliup akornanniittoq – Sirius Greenland.
Sassannguit Kangerlussuup aamma Itilliup akornanniittoq – Leif Fontaine.
Kangia Maniitsumiittoq – Arctic Wildlife Adventures.
Ipiutaq Guest Farm Narsap eqqaaniittoq.