INUUSSUTISSARSIUTIGALUGU AALISARNEQ
Naalakkersuisut: 2026-mi misileraalluni aalisarnissamut siunnersuummik nassiussigit
Naalakkersuisut 2026-imi misileraalluni aalisarnerit sorliit ingerlanneqassanersut aalajangerniarlugu piareerpoq. Inuussutissarsiutigalugu aalisartuuguit misileraalluni aalisarnissamut isumassarsiaqaruit, siunnersuut 22. septembarip tungaanut nassiussinnaavat.
Asseq: Naalakkersuisut
2026-mi misileraalluni aalisarnissaq pillugu Naalakkersuisut qanittukkut aalajangertussaagaat ilisimatitsissutigineqarpoq.
Tassunga atatillugu aalisarnermut, piniarnermut, nunalerinermut Nammineq pilersornermullu Naalakkersuisoqarfik misilileraalluni aalisarnissamut siunnersuutinik qinnuiginnippoq.
Iliuusissat
Immersugassaq piffissaliussaq naapertorlugu APN@-nanoq.gl-imut nassiutissavat. Siunnersuutitut nassiussimasat Naalakkersuisoqarfimmi nalilersorneqarluni suliarineqassaaq.
Misileraalluni aalisarneq tassaavoq aalisarfiusinnaasunik nutaanik misissuinissamut periarfissiisoq, aalisakkanik nutaanik aalisarneqanngitsunik imaluunniit aalisarfioreersuni aalisaatit nutaat atorlugit periarfissiilluni.
Tamanna Sullissivimmi uani atuarneqarsinnaavoq: Misileraalluni aalisarnissamut qinnuteqaat (sullissivik.gl
- Naalakkersuisut pingaartippaat nunatta imartaani aalisagaqatigiinnik misileraalluni aalisarneq tamaviaarunneqassasoq. Taannaavorlu timitalerlugu piviusunngortinniarneqartoq.
- Inuussutissarsiutigalugu aalisartuuguit nunattalu imartaani nutaanik aalisarfigineqarsinnaasunik periarfissarsiuilluni misissuerusuttoq, misileraalluni aalisarnissamut kissaateqartoq, taava taamaappat siunnersuutit aalisarnermut, piniarnermut, nunalerinermut imminullu pilersornermut naalakkersuisoqarfimmut nassiutissavat, Naalakkersuisut kajumissaaripput.
Siunnersuutitit akuersissutigineqassappat tamanut saqqummiunneqassaaq
Naalakkersuisut erseqqissaatigaat misileraalluni aalisarnerit Naalakkersuisut pilersinneqartut, tunngaviusumik tamanut saqqummiunneqartassasut.
- Taamatuttaaq erseqqissarneqassaaq siunnersuummik nassiussineq tamatumunnga atatillugu peqataaniarluni qinnuteqaatiginngimmat.
Siunnersuutit misileraalluni aalisarnernut 2026-mi pilersinneqartussatut akuerineqartut, allattorsimaffimmi takuneqarsinnaassapput ukioq nutaap aallartilaarnerani tusagassiorfinnut nalunaaruteqarnikkut tamanut saqqummiunneqartumi, tassani aamma peqataaniarluni qinnuteqarnissamut periarfissaqalissaaq.
