Naalakkersuisut inatsisinik avaqqutaarinerarpaat
GA aamma SIK Inatsisartunut ilaasortanut ammasumik allagaqarput. Naalakkersuisut ilaatigut aatsitassarsiornermi suliffeqarfinnik sulisuinillu kattuffinnit sumiginnaanerarneqarput.
Kalaallit Nunaanni Sulisitsisut Peqatigiiffiat GA aamma sulinermik inuutissarsiuteqartut kattuffiat SIK toqqaannertumik Inatsisartunut ilaasortanut saaffiginnipput.
Maluginiaqquaat suliffeqarnermik illuatungeriinnit Naalakkersuisut saaffigiuminaannerat, nunatsinni suliffeqarfiit suliffeqarfinnut nunani allaneersunut unammillernissamut periarfissaat pineqartillugu.
Inuutissarsiornermut aatsitassarsiornermullu inatsit eqqarsaatigalugu isornartorsiuisut tikkuarpaat, namminersorlutik oqartussat suliffeqarfiit nunanit allaneersut nunatsinni sulinissaannik akuerisaraat, naak inuiaqatigiinnut akileraarnissaat qulakkeeqqaanngikkaluarlugu, ilaatigullu susassaqarfinni suliassanut nunatsinni suliffeqarfiit salliutinneqarnissaannut maleruagassat atuutinnagit.
Sermitsiami atuarsinnaavat Henrik Leth Jess G. Berthelsenilu inatsisartuni ilaasortanut qanoq allannersut.