Naleqartitat pillugit ambassadørinik 55-inik KNI toqqaavoq

KNI A/S suliniumminut ´KNI 2016 tungaanut´ atatillugu pisortanik sulisunillu 55-inik Sisimiuni workshoppertitereerluni naleqartitat pillugit ambassadørinik 55-inik toqqaavoq. Tamakkua qulakkiissavaat ingerlatsivimmut tamarmut siunissamullu tunngaviup naqissuserneqarnissaa.
– Pisisartutta qitiutiinnavinnissaat Nunatsinilu suliffeqarfinni pitsaanersanngornissarput siunertaraarput, suliffeqarfissuup pisortaa Claus Jensen tusagassiorfinnut nalunaarutikkut oqarpoq.
– Naleqartitat pillugit ambassadørit ingerlatsiviit tallimaasut kiisalu qullersaqarfik sinnerlugit suliniuteqarnermik aallussissuussapput. Taamaattumik sammisaqarfiit tikillugit pisoqartitsinerit ingerlanneqassallutik. Ambassadørit naleqartitatsinnik sammisaqartitsinerit aallunneqarnerat qulakkiissavaat, taamaalilluta toqqavitta pisisartuttalu samminneqarnerat qulakkiissallugu. Taamaattumik sulisutsinnut 1.200-nut suliniuteqarluta ingerlatsinitsinni ambassadørit pingaaruteqaqalutik inissisimassallutik, suliffeqarfissuup pisortaa Claus Jensen oqaluttuarpoq, nassuiaallunilu ambassadørit KNI-p naleqartitaanik atuutsitsinermikkut KNI-p Kalaallit Nunaanni suliffeqarfiit pitsaanersanngornissaanut ineriartortitseqataassasut.