Nalunami kuulti qillaallaqqittalersoq
Amaroq Minerals Nalunami kuultisiorfiuppilerseqqinneqarnissaanik suliaqaleruttortoq,Tysklandimi aatsitassarsiorfinnik sanaartornissamiksuliakkerneqartartumut aamma Canadamiingerlatseqatigiiffimmik aatsitassarsiorfinnikpilersuinissamut immikkut piukkunnarsarsimasumiksuleqateqalerpoq.
Canadamiut aatsitassarsiortitseqatigiiffiat Amaroq Minerals, Kujataani aatsitassarsiornissamut akuersissutaateqartut annersaat isumannaatsumik siuariartorpoq. Taakku piiaaffimmi Nalunamiittumi aasaanerani 40-70-inik sulisoqarsimapput. Piiaaffik pilerseqqinniarneqaleruttorpoq, 2024-mit kuultimik tunisassiulernissaq siunniunneqarluni.
Aviisi Sermitsiaq taama allappoq.
Amaroq Minerals piffissami kingullermi ingerlatseqatigiiffinnut marluusunut pingaarutilinnik isumaqatigiissuteqaqqammerpoq. Tassaasunik piiaaffiliortussamik aamma attaveqaasersuutinik aamma tuniniaaffigineqartunut assartuinissamik qulakkeerinnittussamik. Siulleq tassaalluni Tysklandimi aatsitassarsiortitseqatigiiffik Thyssen Schachtbau, maannamut maskiinanik assaassutinik atortussanillu allanik Nalunamut assartuinermik ingerlataqareersoq. Aatsitassarsiortitseqatigiiffik avinngarusimanerusuni attaveqaasersuutinik ilungersunartunik suliaqarnermik aamma Issittumi suliaqarnermik ukiunik 150-inik misilittagaqareersoq. Maannamuugallartoq ukiunut marlunnut Amaroq Mineralsimut isumaqatigiissuteqartoqarpoq, piiaaffinnut isertarfiit pilerseqqinneqarnissaat, majorallaffiit annertusarnissaat, piiaaffimmi silaannarissarfinnik pilersitsinissat aamma innaallagissamik pilersuinissat kiisalu akuiagassanik aallarnisaataasumik piiaanissaq ilanngullugu.
– Amaroq Minerals tapersersorsinnaagatsigu nuannaarutigeqaarput, Nalunamilu pilersaarutigineqartup aallartinnissaanut qilanaarluta. Thyssen Schachtbau-ip Issittumi aatsitassarsiornermut iluatsittumik misilittagai, Nalunamut assingusut atorluarniarpai. Tamatuma saniatigut nunap ilaani suliassaqarfitsinni annertusaanissatsinnut periarfissarissaarluta, tamaanimi misissueqqissaarnissamut piiaanissamullu piukkunnaateqarluartumi sulisinnaassagatta, Markus Beermann oqarpoq, taassuma Thyssen Schachtbau-imi pisortaanerusup børsimut nalunaarummini nutaami tamanna oqaatigaa.
Allaaserisaq tamaat Sermitsiami sapaatip-akunnerani saqqummersumi atuaruk, uani:
