Nalunamit kuulti ukioq manna naatsorsuutigineqalerpoq
Canadamiut suliffeqarfiutaat Amaroq Minerals,Nalunami kuultisiornissamut suliniummut marsipaallaqqaataata tungaanut tusarniaassutigineqartumutaningaasaliissuteqarpoq.
Nalunami kuultisiornissaq pillugu Kujataani januaarip naanerani innuttaasunik ataatsimiititsinerit ingerlanneqarput. Ataatsimiinnerni peqataapput Canadamiut suliffeqarfiutaat Amaroq Minerals taakkualu Kalaallit Nunaanni immikkoortortaqarfiat Nalunaq A/S, Kommune Kujallermit aallartitat, Naalakkersuisunut ilaasortat kiisalu aatsitassanut aqutsisoqarfimmi, naalakkersuisoqarfimmi, Pinngortitaleriffimmi aamma Aarhus Universitetimi Nationalt Center for Miljø og Energi-mi sulisut.
Taamak allaaserinnippoq aviisi Sermitsiaq.
Suliniut siuariartorfiusoq
Amaroq Mineralsimi siulittaasoq Islandimiu Eldur Olafsson, pisortaq Joan Plant peqatigalugu angalaqataapput. Angalanermi Narsarsuaq, Tasiusaq Qaqortorlu tikeraarneqarput. Aallartitat aamma Alluitsup Paamut Nanortalimmullu angalasussaagaluarput, silali pissutigalugu ataatsimiinnerit videokkut ingerlanneqarput.
– Illoqarfiit nunaqarfiillu kiisalu Kalaallit Nunaanni soqutigisaqaqatigiit allat suleqatiginissaat suliami pingaaruteqarluinnarpoq. Illoqarfiit pingasut tikeraarsinnaasimavagut, tassanilu tamanut ammasumik tusarniaanerit aaqqissuunneqarlutik. Tamatuma saniatigut Nanortalimmi Alluitsup Paanilu innuttaasut internetikkut ataatsimiinnissaat aaqqissuunneqarsimavoq, Eldur Olafsson, aamma suliniuteqarfiusumik politikerinut atorfilittanullu takutitsinissamut periarfissaqarsimasoq oqarpoq.
Allaaserisaq tamaat aviisimi Sermitsiami atuaruk.