Narsami ikummatissaasivik nakkutigineqartoq

Narsami ikummatissaasiviup ittua Kristian Stach Olsen aamma ikummatissaasiviup ittuanut ikiorti Jørgen Lang, Bureau Veritas Certificationimit pulaartoqaqqammerput. Ikummatissaasivinni sulisut angusilluarput.

Uluni pingasuni misilitsinneq

Ikummatissaasivik sulisuilu ulluni pingasuni nakkutigeqqissaarneqarput, tamatumunnga pissutaavoq ikummatissaasivik ISO-mit nunarsuarmioqatigiinnut maleruaqqusanut pitsaassutsimut avatangiisinullu tunngasunut akuerisaanikuummat.

Misissuinerit ingerlanneqarneranni sulisut aqutsisullu misilitsittarput; aqutseriaaseq, avatangiisit isumannaatsuunissamullu pissutsit pillugit Veritasimit aallartitap apersuutigisarpai. Kingorna tankeqarfik tamarmi misissorneqartarpoq, soorlu, sulisut inaat, gassiisivik, qaluniisivik tunniussisarfillu. Taassuma saniatigut sulisut ingerlatsineq suleriutsillu pillugit peqqissaartumik apersoqarneqarput uppernarsaatillu tamarmik takutissorneqarlutik, tusagassiuutinut nalunaarummi erserpoq.

Pisortaq nuannaartoq

- Narsami suleqatigut pilluaqquakka. Iluarisimaarnarluinnarpoq ISO'mut akuerisaanissamut piumasaqaatit tamaasa
naammassisinnaagatsigit. Ilutigitillugu oqarusuppunga, Polaroilip sulisuinut nunatsinnilu ikummatissaasivinnut tamanut Narsamisulli ingerlanneqartunut tuikkut pattalaartinneruvoq, Polaroil'imi pisortaq, Githa Brask Olsen nuannaarluni oqarpoq.