Kalaallit Nunaata oqaluttuarisaanerani pingaarutilimmik 2024-mi novembarip 28-ani pisoqarpoq, tassa Nuummi mittarfik aamma Københavnimiit Nuummut Tuukkaq atorlugu timmisartuussineq ammarneqarput.
Maannamut ulluinnarni timmisartuussinerit aalaakkaapput, Hanstholmimilu aalisakkanik akitsorterussinermi saarulliit nutaat 700 kiilut missaanniittut allaat assartorneqarsinnaasimapput.
Kalaallit Nunaata oqaluttuarisaanerani pingaarutilimmik 2024-mi novembarip 28-ani pisoqarpoq, tassa Nuummi mittarfik aamma Københavnimiit Nuummut Tuukkaq atorlugu timmisartuussineq ammarneqarput.
Maannamut ulluinnarni timmisartuussinerit aalaakkaapput, Hanstholmimilu aalisakkanik akitsorterussinermi saarulliit nutaat 700 kiilut missaanniittut allaat assartorneqarsinnaasimapput.
Akunnerni marlunni utaqqineq
Københavnimut tikinnermi nassatanik tunniussinermilu ajornartorsiutit pitsaanerusinnaasut angalasut arlallit oqarput, inuppassuillu tamanna pisariusutut utaqqinangaatsiartutullu misigaat.
Pisariuneranut pissutaasut ilagaat Nuummi mittarfiup isumannaallisaanermut immikkoortumut 2-mut akuersissuteqarnera, taamaalilluni timmisartumut allamut ilaalluni angalaqqinniaraanni mittarfiup akunnittafianut isersinnaananilu isumannaallisaanermut nakkutilliivimmiit misissuiffigineqaqqittariaqarpoq.
Taamaammat Air Greenland ilaasunik maannatuut B10-mi niusitsisinnaajunnaarpoq, ilaasullu nassatanik aallertarfimmut toqqaannartumik ingerlanissaat isumagisariaqarpaa. Tassani akunnerit marluk angullugit utaqqisarsimapput.
– Nuummi timmisartoqarfimmi isumannaallisaanerup annertussusia pissutigalugu Københavnip mittarfianut tikinnermi nassatat tunniunneqarnissaannut piffissaq sivisunerulaassaaq. Tallimanngornermili novembarip 29-anni ilaasut misigisaattut akunnernik marlunnik sivisussuseqassanngilaq. Sivisuumik utaqqinermut pissutaasinnaasut marluupput. Siullertut nassataasivimmi ilorlermi containerit parnaarsaataat atorsinnaanngillat, ammarniarneralu sivisusimavoq, aappaattullu nassatat akitsuusersuisuniit misissorneqaqqaartariaqarsimammata nassatanik suliaqarneq kinguaattoorpoq, Air Greenland ilisimatitsivoq.
Suleriutsit nutaat atulerneqassasut
Pissutsit taakku pitsanngorsarniarlugit qanoq iliorpisi? Qaqugulu pitsanngornissaat naatsorsuutigaasiuk?
– Suleriutsinik nutaanik atuutilersitsinermi ajornartorsiuteqarsinnaasoq ilaasorisartakkatta qujanartumik paasilluartarpaat, Air Greenlandillu tamanna eqqumaffigaa. Mittarfimmi suleqativut ataavartumik oqaloqatigaagut, periutsillu nutaat atuutilersinneqarnerisigut, soorlu bussit mittarfimmi ingerlaarnerannut nassatanillu tunniussinermut tunngasut, pitsaanerulerumaartut naatsorsuutigaarput, Air Greenland ilisimatitsivoq.
Greenland Airports 2025-mi aasakkut isumannaallisaanermut najoqqutassiaq “One Stop Security” atuutilersinniarlugu naatsorsuutigalugu siusinnerusukkut nalunaarpoq, taamaalillunilu nunani allani timmisartumut allamut ilaasussanngortoqaraluarpalluunniit ataasiaannarluni isumannaallisaanermut misissorneqarsinnaassaaq.
