Nipisaat
Nipisanniarneq aallartippoq
Aalisarnermut Piniarnermullu Naalakkersuisoqarfimmit nunatta kujataani nipisanniarneq ammaaffigineqarpoq.
Annonse
Qaqortumi Qeqertarsuatsiaanilu ullumi arfininngornermi nipisanniarneq aallartinneqarsinnaasoq tusagassiutinut nalunaarummi ilisimatitsissutigineqarpoq.
- Qaqortumi, NAFO 1F, aamma Qeqertarsuatsiaani, NAFO 1D, arfininngornermi nipisannik tunisisinnaaneq aallartissaaq, Narsamilu, NAFO 1F, nipisanniarneq ataasinngorpat apriilip qulingani aallartissasoq naalakkersuisoqarfimmit nalunaarutigineqarpoq.
Ingerlatsivik NAFO 1F katillugit 104 tonsinik pisassiivigineqarpoq, NAFO 1D-lu katillugit 405 tonsinik pisassiivigineqarluni.
Ulloq aalisaqqusiffik aallartiffigalugu ulluni 44-ni aalisartoqarsinnaavoq.