Aalisartut nammineq
pisaminnik, ingammik nipisat suaannik, Kalaallit Nunaanni
aalisakkerivissuarnut, soorlu Royal Greenlandimut Polar Seafoodimulluunniit
tuninagit Danmarkimulli tunisinissamut sapiutinngitsut tusarsaaleraluttuinnarput.
Danmarkimi akigititat qaffasinnerusut
Aalisartut nammineq
pisaminnik, ingammik nipisat suaannik, Kalaallit Nunaanni
aalisakkerivissuarnut, soorlu Royal Greenlandimut Polar Seafoodimulluunniit
tuninagit Danmarkimulli tunisinissamut sapiutinngitsut tusarsaaleraluttuinnarput.
Danmarkimi akigititat qaffasinnerusut
Danmarkimi
tunisinermi akigititat nunatsinni tunisinermi akigititaninngarnit malunnartumik
qaffasinnerunerat nunatsinneersut timmisartukkut nassiussillutik avammut tunisisalerusunnerannut
pileritsatsisisuupput.
- Ingammik
nipisat suaannik Danmarkimut ukioq manna nipisattassiisoqarfiunngitsumut tunisaqarusuttut
imaaginnalerput. Tassa kalaallit aalisartut iluanaaruteqarnerujumallutik
pisatik tamaani tunisassiorfinnut tuninagit Danmarkimut akigissaartinnerullugit
tunivaat.
POLAR SEAFOOD-IP SAARULLIT NUTAALIAT EUROPAMUT
Polar Seafood-ip aalisakkanik tunisassiorfiata pilersaarutigaa saarulliit nutaaliat Europami niuertumut nassiunneqarnissaat, aalisartunullu tunisaminnik tunisillutik bonusisitsiniarluni.
- Niuertumik isumaqatigiissuteqarpugut sapaatit akunnerini arfinilinni tulliuttuni saarulliit nutaaliat 6 tons tikillugit nassiunneqarnissaat pillugu. Saarulliit pisarineqassapput tunisassiorfimmut unnukkut nal. 12-kkut sioqqullugu tunniunneqassallutik, atuisunullu 24 tiimit qaangiutsinnagit apuutissallutik, Polar Raajatip Nuummi pisortaanera Jan Weinreich Sermitsiarmut oqarpoq.
Taanna nassuiaavoq suliffeqarfiup ukiuni marlunni kingullerni saarulliit nutaaliat Europamut tuniniaasimagai.
- Malittarisassiuussinerput tamakkerlugu atorlugu aalisartumut bonusisitsisinnaavugut saarulliit nutaaliat timmisartukkut nassiunneqarsimasut amerlassusaat tunngavigalugu, Jan Weinreich oqarpoq.
Pilersaarutigaat aalisakkanik nutaalianik avammut nioqqutissiornerulernissaq.
- Neriuutigaarput piffissap ingerlanerani saarulliit nutaaliat, kiisalu qalerallit toqqaannartumik nassiussinnaalissallugit.
/Oline
- Assersuutigalugu
Nuummi aalisartut pisatik tulaanneranniit toqqaannartumik mittarfiliaattarpaat,
Kalaallit Nunaanni Aalisarnermut Piniarnermullu Nakkutilliisoqarfimmi (KANUAPNA)
Aalisarnermut, Piniarnermut, Nunalerinermut Imminut Pilersornermullu
Naalakkersuisoqarfiup ataaniittuusumi AC-fuldmægtigi Jens Lykke Borch oqarpoq.
Assersuutigaluguli
nipisat suaannik avammut tunisereersimalersut qassikattaannannguusut, taassuma
ilanngullugu oqaatigaa.
Avammut tunisisartutut
nalunaarsukkat 34-usut
Nuummi
mittarfittaarsuaq avammut tunisinissamut akuersissummik qinnuteqartut amerleriapiloornerannut
peqqutaaqataalluinnartunut ilaasoq, KANUAPNA-mi qinnuteqaatinik
nalunaarsuisartoq oqarpoq.
- Mittarfittaarsuup
ammarnissaanut piareersimarusuttunit aamma saaffigineqarpugut. Tassa avammut tunisisartutut
KANUAPNA-mi 2024-mut 2025-mullu nalunaarsukkavut 34-upput, taakkualu
aalisakkanik pisiortortartuussangatinnagit nammineq pisaminnik avammut
tuniserusuttartuussangatippavut, Jens Lykke Borch oqarpoq.
Avammut tunisisartutut
akuersissut nunatsinni namminersortutut inuussutissarsiutillit
suliffeqarfiilluunniit niuernerpalaartumik avammut tunisaqarsinnaanerannut
uppernarsaataavoq.
Saattuat qalerallillu
- Nipisat
suaannaanngitsut aammali saattuat avammut tunisarineqalerusulluinnartunut aamma
ilaapput. Qinnuteqartut amerlanerpaartaat qaqerlaanik soorlu qaleralinnik,
saarullinnik nataarnanillu avammut tunisisinnaalernissaq aamma qinnutigaat, taakkunanngali
avammut tusereersimalersunik suli takunngilagut, Jens Lykke Borch oqarpoq.
Avammut tunisinissamut
akuersissummik Aalisarnermut, Piniarnermut, Nunalerinermut Imminut
Pilersornermullu Naalakkersuisoqarfimmut Sullissvik.gl-ikkut
qinnuteqartoqarsinnaavoq.
Avammut tunisinissamut
akuersissummik KANUAPNA-mut ukiup taamaalinerani qinnuteqartorpassuaqartarpoq.
Nipisat suaat
KANUAPNA-p avammut tunisisartutut 2024-mi nalunaarsugai 18-iupput, 2025-milu
nalunaarsugai 16-iullutik.
- Taakkunannga
pingasut saattuanik avammut 2024-mi tunisaqarput ataaserlu nipisat suaannik
2025-mi tunisaqarluni. Avammut tunisisut nipisanniartoqarneruleriartortillugu
amerliartussangatippavut, Jens Lykke Borch oqarpoq.
Kikkunuku
avammut tunisaqarusuttuusut?
- Nipisat
suaannut tunngatillugu tassaanerukkajupput inuit ataasiakkaat
kisimiillutilluunniit suliffeqarfiutillit, saattuanullu tunngatillugu
tassaanerukkajullutik suliffeqarfiit minnerit, taanna oqarpoq.
POLAR SEAFOOD NIPISAT SUAANIK QAQERLAANIK EUROPAMUT NIOQQUTEQARTALISSASOQ
Aalisakkerivissuaq Polar Seafood nipisat suaannik qaqerlaanik Europami tuniniaaqqittartut ilaannut nassiussilersaarlunilu
aalisartunut nipisat suaannik qaqerlaanik tulaassisorisaminnut bonuseqalersitsilersaarpoq.
- Nipisat
suaannik qaqerlaanik 6 tonsit tungaannut annertussusilinnik sapaatit akunnerini
tulliuttuni arfinilinni nassiussinissamik tuniniaaqqittartoq
isumaqatigiissuteqarfigaarput, nipisallu suaat taakkua tunisassiorfitsinnut
unnuap qeqqartinnagu tulaanneqarneranniit pisisartunut nalunaaquttap akunneri
24-t qaangiutsinnagit apuunneqartassaut, Nuummi Polar Raajat pisortaanerat Jan
Weinreich Sermitsiamut oqarpoq.
Ilanngullugu oqaatigalugu nipisat suaannik qaqerlaanik
Europami niuffaffinnut ukiuni kingullerni marlunni nipisanniarfiusut nalaanni
nassiussisarlutik.
- Taamaalilluta nipisat pisarineqarneranniit tunisaanissaannut
paasissutissartaannik nalunaarsukkat tamakkiisut aallaavigalugit aalisartunut
nipisat suaannik qaqerlaanik timmisartukkut nassiussassatsinnik tulaassisorisatsinnut
bonuseqartitsisussaassaagut, Jan Weinreich oqarpoq.
Ilanngullugu oqaatigaa aalisakkanik qalerualinnillu qaqerlaanik avammut niuffateqarnerusalersaarlutik.
- Qaleralinnik qaqerlaanik saattuanillu uumasunik avammut
niuffateqartalernissarput aamma neriuutigaarput.
/Oline
Qinnuteqartut
amerlanerpaartaat Nuup eqqaaneersuupput, aammali soorlu Sisimiut
eqqaanneersortaqarlutik.
Avammut tunisisartunngorusuttut
avammut tunisisartutut KANUAPNA-mi pinngitsoornatik nalunaarsorneqarsimanissaat
piumasaqaataavoq. Aamma pisaat oqimaalutaammik akuerisamik tamatigut
oqimaalutarneqarsimasuussaapput. Tamatuma saniatigut tulaassinermut uppernarsaammik
aamma immersuisimasussaatitaapput.
Nipisat suaannaanngitsut aammali saattuat avammut tunisarineqalerusulluinnartunut aamma ilaasut, Kalaallit Nunaanni Aalisarnermut Piniarnermullu Nakkutilliisoqarfik (KANUAPNA) Aalisarnermut, Piniarnermut, Nunalerinermut Imminut Pilersornermullu Naalakkersuisoqarfiup ataaniittuusoq ilisimatitsivoq.
Assi: Leiff Josefsen
EU-mi nunat
Qinnuteqartut pisaminnik avammut soorlu Danmarkinut nunamulluunniit allamut EU-miittumut
tunisassaminnik nassiussisinnaajumallutik EU-mut eqqussuinissamut KANUAPNA-mut
qinnuteqaqqaassapput. Eqqussuisinnaanermut uppernarsaat nunanut allanut aamma
nassiussinissamut aamma atorneqarsinnaavoq.
Uillunik, suannik
tunisassiallu sinnikuinik soorlu aalisakkat niaquinik paperuinillu
eqqussuinissamut uppernarsaateqarnissaq EU-mit piumasaqaataanngilaq. Taamaakkaluartoq
tulaassinermut uppernarsaateqarnissaq taassumalu KANUAPNA-mut
nassiunneqarsimanissaa piumasaqaataavoq.
