NORA Kalaallit Nunaanni paasisitsiniaavoq
Atlantikup Avannaani Suleqatigiiffiup paasisitsiniaalluni ataatsimiititsisaqattaarnerit ingerlatileruttorpai, tamatumani sammillugit qanoq ililluni Nunani Atlantikup Avannaaniittuni suliffeqarfiit akornanni suliniutini suleqatigiiffiusinnaasuni tapiissutinik pissarsisoqarsinnaanersoq. Tullinnguuppoq Kalaallit Nunaat marsimi tikinneqartussaq.
Ataatsimeeqattaarnissani tulleriaani ataatsimiinneq siulleq sapaatit akunneranni kingullermi Tórshavnimi ingerlanneqarpoq.
Ataatsimiititsinerit tulliuttut Kalaallit Nunaanni ingerlanneqassapput marsimi (sap. ak. 11 aamma 12). Ataatsimiititsinerit kommunini nutaani sisamani ingerlanneqassapput. Siulliullugu uniffissaq tassaavoq Qaqortoq, tamatuma kingorna avannamut ingerlasoqassaaq, siullermik Nuummut, kingornatigut Sisimiunut ataatsimiinnerlu kingulleq Ilulissani ingerlanneqassaaq.
NORAp saniatigut aamma Nunat Avannarliit Aningaasaateqarfiata aningaasaateqarfimmi aningaasanik atorniarsinnaaneq pillugu oqaluttuartassapput. Kalaallit Nunaanni Takornariartitsinermut Inuussutissarsiornermullu Siunnersuisooqatigiit, Nunatsinni NORA-mut attaveqaataasut ataatsimiititsisarnerni peqataatitaqassapput, taakkulu tamanna iluatsillugu EU-p pilersaarutaa Det Nordlige Periferiprogram (NPP) pillugu paasissutissanik saqqummiussisassapput.