Nuummi
mittarfissap nutaap siorna novembarimi atulernerata kingorna norskit
timmisartortitseqatigiiffiat Norwegian arlaleriarluni Kalaallit
Nunaannut timmisartuussinissamik soqutiginninnermik ersersitsisarpoq.
SAS-illi
Københavnimiit Nuummut tallimanngornermi juunip 27-ani aasaanerani
timmisartuussisarnini aallartippagu Norwegian taamaaliussanngilaq.
Nuummi
mittarfissap nutaap siorna novembarimi atulernerata kingorna norskit
timmisartortitseqatigiiffiat Norwegian arlaleriarluni Kalaallit
Nunaannut timmisartuussinissamik soqutiginninnermik ersersitsisarpoq.
SAS-illi
Københavnimiit Nuummut tallimanngornermi juunip 27-ani aasaanerani
timmisartuussisarnini aallartippagu Norwegian taamaaliussanngilaq.
-
2025-mut pilersaaruteqanngilagut. Kalaallit Nunaannut ukioq manna
timmisartuussinissarput eqqarsaatigisimavarput. Angalatitsiviilli
annerit Air Greenlandimik suleqateqarnissartik toqqarpaat.
Angalatitsivinnillu annerusunik isumaqatigiissuteqanngikkutta
Kalaallit Nunaannut timmisartuussisalissagunanngilagut, Norwegianimi
attaveqaqatigiinnermut pisortaq Sara Westphal Emborg Neergaard
Sermitsiamut oqarpoq.
Oqarpoq
timmisartuutileqatigiiffik Danmarkimiit Kalaallit Nunaannut
timmisartuussisalernissaminut pitsaanerusumik niuernikkut
tunngavissaqartariaqartoq.
Danmarkip
Kalaallit Nunaatalu akornanni timmisartuussisoqartalertinnagu
niuernissamut tunngavissaqarluarnersoq
misissoqqissaarneqartariaqartoq ilanngullugu oqaatigaa.
-
Aappaagu aasaaneranut pilersaarummut atatillugu
eqqarsaatigeqqissavarput, taamaattumik ukioq manna
timmisartuussisoqartassanngilaq, Sara Westphal Emborg Neergaard
oqarpoq.
Norwegianip
aasaanerani timmisartuussinermi aqqutit nutaat 17-it ammassavai
Norwegianip
2025-mi aasaanerani timmisartuussinermi aqqutit nutaat 17-it
angallavigisalissavai, taakkunannga sisamat Danmarkimit. Aasaanerani
pilersaarutit tamakkiisut tassaapput aqqutit 344-t tikitassanut
128-nut.
Københavnimiit
timmisartuussinerit nutaat Bratislavamut, Newcastlemut, Sarajevomut
Tangerimullu ingerlapput.
Stockholmimiit
Bilbaomut, Lyonimut, Portomut Bukarestimullu
timmisartuussisoqartalerpoq aamma Oslomiit Bruxellesimut, Toulousemut
Valenciamullu timmisartuussisoqartalerluni.
SAS
sapaatip-akunneranut pingasoriarluni Kalaallit Nunaannut
timmisartuussisassaaq
SAS
Københavnip Nuullu akornanni aasaanerani timmisartuussinera siulleq
juunip 27-ani oqaluttuarisaanermut ilanngutissaaq. SAS Air
Greenlandimik qanimut suleqateqarpoq. Air Greenlandimik niuernikkut
isumaqatigiissuteqareernermigut Kalaallit Nunaata SAS-ip nunarsuaq
tamakkerlugu timmisartuussisarneranut attaveqarnera
pitsanngorsarneqassaaq. Tamanna peqatigalugu SAS-ip issittumi
angalanissamut periarfissanik annertusaarusunneranut aamma
tunngaviliivoq.
Siumuinnaq
billitsi 1.999 koruunimit
SAS-ip
Airbus A-320 Neo atorlugu aqqut taanna timmisartuussiffigisassallugu
siusinnerusukkut nalunaarutigaa. Timmisartoq nalinginnaasumik
180-inik issiavitaqarpoq, SAS-illi timmisartuani Kalaallit Nunaannut
timmisartuussinermi issiaviit qassiussanersut piumaneqarneq
apeqqutaalluni amerlassuseqassapput, SAS-imimi billitsit akikinnerit,
SAS Go-mik taaneqartartut, aamma SAS Plus-imi
neqeroorutigineqartarmata.
SAS-ip
Københavnimiit Nuummut timmisartuussisarnera nutaaq sapaatip
akunneranut pingasoriartassaaq. Ataasinngornermi, pingasunngornermi
tallimanngornermilu. SAS Nuummiit nal. 11.05 aallartassaaq
tallimanngornermilu nal. 14.20 aallartassalluni.
Ulluni
assigiinngitsuni billitsit akii piumaneqarnerat aallaavigalugu
allanngorarsinnaapput - www.sas.dk-mi takuneqarsinnaassapput.
Assersuutigalugu
Nuummiit Københavnimut juulip arfineq-aappaani bilitsi Go siumuinnaq
1.999 koruuneqarpoq akisunerlu Plus-i 3.299 koruuneqarluni.
SAS-ip
timmisartuussisarnini aggustip naanissaata tungaanut ingerlatissavaa,
immaqali sivikitsuimik sivitsorneqarsinnaalluni.
SAS-ip
ukiorpassuarni nunatsinnut timmisartuussisimanani siullerpaamik
Kalaallit Nunaannut neqerooruteqarpoq. Kalaallit Nunaannut
timmisartuussinerit siulliit 1949-mi aallartinneqarput. SAS aamma Air
Greenlandimik, taamani Grønlandsflymik taaguutilimmik,
aallarneeqataavoq piginneqataallunilu.
SAS-ip
Københavnimiit Kangerlussuarmut timmisartuussisarnini 2002-mi
unitsippaa. 2007-mi timmisartuussisarnini aallartippaa, 2009-mili
sipaarniarluni pilersaarutini timmisartuussisarunnaaqqilluni.
