Nukissiuutit: Nuup Akiani napparussuaq 160 meterinik portussusilik
Silamik uuttortaavik anorisaateqarfimmik pilersitsiviusinnaalersussamut sila anorolu pillugit paasissutissanik ukiumi ataatsimi katersissaaq.
Anori A/S-ip silasiornermi napparussuaataata 160 meterinik portussuseqartup 1/3-iia maanna Nuummi Akiani ikkussuunneqarsimalerpoq. Napparussuaq katillugit 13,5 tonsinik oqimaassuseqarpoq qulimiguulimmillu Akiata ilaanut kujasissumut-kippasissumut assartorneqarluni, ingerlatseqatigiiffiullu anguniagaanut sila anorilu pillugit paasissutissanik katersissalluni: Anorisaateqarfimmik 210-nik anorisaatitalinnik pilersitsinissaq.
Taamak allaaserinnippoq aviisi Sermitsiaq.
- Napparussuarmi 120 meterit qulliit amigaatigaavut, taakkualu ungasinngitsukkut ikkussuunneqassapput, Anori A/S-imi pisortaq, Palle Christiansen, oqarpoq, ingerlatseqatigiiffillu Kalaallit Nunaanni mingutsitsinngitsumik suliffissuaqarnermut misiliutaasutut oqaatigalugu.
Anori A/S sumiiffimmi anorisaateqarfissap inissinneqarfigisinnaasaani ukiarmi silasiorfimmik minnerusumik siullermik ikkussuivoq. Silasiorfik aamma napparussuaq 160 meterinik portussusilik silap anorilu pillugit paasissutissanik ukiumi ataatsimi katersissapput. Paasissutissat taakkua pingaaruteqarput, suliniutip atasinnaassusiata aningaaserivinnut oqartussanullu uppernarsarneqarnissaanut tapersiissutaasussaammata, Palle Christiansen oqaluttuarpoq, nassuiaallunilu, ingerlatseqatigiiffik qaammataasanit tutsuiginartunik paasissutissaateqareeraluartoq, uuttortaanerit suli pisariaqartut.
- Kalaallit Nunaanni anoreqarluarpoq imermillu minguitsumik aamma pissarsiassaqarluarluni. Pisisartussat nunarsuarmi niuerfimmiipput Kalaallit Nunaallu suliffissanik nutaanik pingaartumillu avammut niuernermit isertitassanik nutaanik pisariaqartitsivoq, pisortaq oqarpoq.
Allaaserisaq tamaat aviisimi Sermitsiami atuaruk:
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...
